విమర్శకుల నోరు మూయించిన సాహా
'Silent' Saha spills fire from batting on the field. వృద్ధిమాన్ సాహా.. భారత క్రికెట్ జట్టులో వికెట్ కీప‌ర్‌. అపార‌మైన టాలెంట్ ఉన్నా కాలం క‌లిసిరాని వ్య‌క్
By Medi Samrat Published on 3 May 2022 1:16 PM GMT
వృద్ధిమాన్ సాహా.. భారత క్రికెట్ జట్టులో వికెట్ కీప‌ర్‌. అపార‌మైన టాలెంట్ ఉన్నా కాలం క‌లిసిరాని వ్య‌క్తి. ఈ ఐపీఎల్ ప్రదర్శనలతో వార్తల్లో నిలిచాడు. కెరీర్‌లో పెద్ద‌గా అవ‌కాశాలు రాక స‌త‌మ‌త‌మైన సాహా ఈ ఐపీఎల్‌లో అద‌ర‌గొడుతున్నాడు. అవ‌కాశం అందివ‌చ్చిన ప్ర‌తిసారి స‌ద్వినియోగం చేసుకున్న సాహా ఓ సముచిత స్థానాన్ని ఏర్పరచుకున్నాడు. భారత టెస్ట్ మ్యాచ్ క్రికెట్‌లో చోటు సంపాదించాడు. అయితే అతని ఇటీవలి ప్రదర్శనల కారణంగా.. అతను భారత టెస్ట్ క్రికెట్ జట్టు నుండి తొలగించబడ్డాడు.
క్రికెట్ ప్రపంచం అతనిని మ‌రిచిపోతుంద‌నుకుంటున్న స‌మ‌యంలో గుజరాత్ టైటాన్స్ అతన్ని చూసింది. సాహా IPLలో గుజరాత్ టైటాన్స్ విజయాల‌లో కీలక పాత్ర పోషిస్తున్నాడు. అతని ప్రశాంతమైన ప్రవర్తన, ఆట పట్ల అత‌నికి ఉన్న అంకిత‌భావం జట్టులో సముచిత స్థానం కల్పించడంలో సహాయపడింది. ప్రతి ప్రదర్శనతో అతను అత్యుత్తమ వికెట్ కీపర్‌లలో ఒకడని, జట్టు విజయానికి దోహదపడే బ్యాట్స్‌మెన్ అని ప్రపంచానికి చాటాడు. త‌న తాజా ప్రదర్శనలతో సాహా విమర్శకుల నోరు మూయించాడు. సాహా ప్ర‌ద‌ర్శ‌న‌ను ప‌లువురు నెటిజ‌న్లు, ప్ర‌ముఖులు కొనియాడుతున్నారు.
