అమ్మకానికి RCB.. కొత్త ఓనర్‌ను చూడొచ్చా.?
ఇండియన్ ప్రీమియర్ లీగ్ (ఐపీఎల్)లో పాపులర్ జట్టు అయిన రాయల్ ఛాలెంజర్స్ బెంగళూరు (ఆర్‌సీబీ) త్వరలో కొత్త యజమానిని సొంతం చేసుకునే అవకాశం ఉంది.
By Medi Samrat
ఇండియన్ ప్రీమియర్ లీగ్ (ఐపీఎల్)లో పాపులర్ జట్టు అయిన రాయల్ ఛాలెంజర్స్ బెంగళూరు (ఆర్‌సీబీ) త్వరలో కొత్త యజమానిని సొంతం చేసుకునే అవకాశం ఉంది. 18 సంవత్సరాల తర్వాత తొలిసారిగా ఐపీఎల్ ట్రోఫీని గెలుచుకున్న కొన్ని వారాల తర్వాత ఈ పరిణామాలు చోటు చేసుకున్నాయి.
భారతీయ విభాగమైన యునైటెడ్ స్పిరిట్స్ లిమిటెడ్ ద్వారా ఆర్‌సీబీని కలిగి ఉన్న బ్రిటిష్ కంపెనీ డియాజియో పిఎల్‌సి, ఫ్రాంచైజీలో తన వాటాలో కొంత భాగాన్ని లేదా మొత్తాన్ని విక్రయించడానికి అవకాశాలను అన్వేషిస్తోందని బ్లూమ్‌బెర్గ్ నివేదించింది.
డియాజియో సలహాదారులతో ముందస్తు చర్చలు ప్రారంభించింది. పూర్తి అమ్మకంతో సహా వివిధ అవకాశాలకు సిద్ధంగా ఉంది. కంపెనీ ఇంకా తుది నిర్ణయం తీసుకోనప్పటికీ, జట్టు విలువను $2 బిలియన్ల వరకు ఉండవచ్చు. ఈ చర్చలు ఇప్పటికీ ప్రైవేట్‌గా ఉన్నాయి. ఇప్పటివరకు ఎటువంటి ప్రకటన రాలేదు. ఈ వార్త యునైటెడ్ స్పిరిట్స్ షేర్లకు ఊతం ఇచ్చింది, స్టాక్ మార్కెట్లో మంగళవారం ఉదయం ట్రేడింగ్‌లో 3.3% వరకు పెరిగింది. బ్లూమ్‌బెర్గ్ నివేదిక తర్వాత స్టాక్ ఐదు నెలల గరిష్ట స్థాయికి చేరుకుంది.
