మృతుల కుటుంబాలకు ఆర్థిక సహాయం ప్రకటించిన RCB

బెంగళూరు తొక్కిసలాటలో మరణించిన వారి కుటుంబాలకు రాయల్ ఛాలెంజర్స్ బెంగళూరు గురువారం రూ. 10 లక్షల ఆర్థిక సహాయం ప్రకటించింది. "నిన్న బెంగళూరులో జరిగిన దురదృష్టకర సంఘటన RCB కుటుంబానికి తీవ్ర వేదన, బాధను కలిగించింది. సంఘీభావానికి చిహ్నంగా, RCB మరణించిన పదకొండు కుటుంబాలకు ఒక్కొక్కరికి 10 లక్షల రూపాయల ఆర్థిక సహాయం ప్రకటించింది" అని ఫ్రాంచైజ్ గురువారం మధ్యాహ్నం ఎక్స్ పోస్ట్‌లో పేర్కొంది. అదనంగా, ఈ విషాద సంఘటనలో గాయపడిన అభిమానులను ఆదుకోవడానికి RCB కేర్స్ అనే నిధిని కూడా సృష్టిస్తున్నట్లు తెలిపింది.

ఈ దుర్ఘటనలో మరణించిన వారంతా 40 ఏళ్ల లోపు వారే అని అధికారులు తెలిపారు. వీరిలో 13 ఏళ్ల లాలిక అత్యంత పిన్న వయస్కురాలు. ముగ్గురు టీనేజర్లు, 20 నుంచి 30 ఏళ్ల మధ్య వయసున్న ఆరుగురు ఈ ఘటనలో ప్రాణాలు విడిచారు.