రాజస్థాన్ రాయల్స్ జట్టుకు ద్రావిడ్ దూరం

భారత క్రికెట్ జట్టు మాజీ కెప్టెన్ రాహుల్ ద్రవిడ్ ఐపీఎల్ ఫ్రాంచైజీ రాజస్థాన్ రాయల్స్‌తో తన అనుబంధాన్ని ముగించాడు.

By Medi Samrat
Published on : 30 Aug 2025 3:09 PM IST

రాజస్థాన్ రాయల్స్ జట్టుకు ద్రావిడ్ దూరం

భారత క్రికెట్ జట్టు మాజీ కెప్టెన్ రాహుల్ ద్రవిడ్ ఐపీఎల్ ఫ్రాంచైజీ రాజస్థాన్ రాయల్స్‌తో తన అనుబంధాన్ని ముగించాడు. జట్టు హెడ్ కోచ్‌గా కేవలం ఒక్క సీజన్ మాత్రమే పనిచేసిన ద్రావిడ్ ఈ బాధ్యతల నుంచి తప్పుకుంటున్నట్లు రాజస్థాన్ రాయల్స్ యాజమాన్యం ప్రకటించింది. గత ఏడాది భారత జట్టు హెడ్ కోచ్ పదవీకాలం ముగిసిన తర్వాత ద్రవిడ్ రాజస్థాన్ రాయల్స్‌కు హెడ్ కోచ్‌గా బాధ్యతలు స్వీకరించాడు. ద్రావిడ్ మార్గనిర్దేశంలో జట్టు ఆశించిన స్థాయిలో రాణించలేకపోయింది. 2025 సీజన్‌లో ఆడిన 14 మ్యాచ్‌లలో కేవలం 4 విజయాలు మాత్రమే సాధించి, పాయింట్ల పట్టికలో 9వ స్థానంతో సరిపెట్టుకుంది.

"రాజస్థాన్ రాయల్స్ హెడ్ కోచ్ రాహుల్ ద్రవిడ్, ఐపీఎల్ 2026 సీజన్‌కు ముందు తన పదవీకాలాన్ని ముగించుకుంటున్నాడు. జట్టు ప్రయాణంలో ద్రవిడ్ కీలక పాత్ర పోషించాడు. అతడి నాయకత్వం ఎందరో యువ ఆటగాళ్లను ప్రభావితం చేసింది" అని రాజస్థాన్ రాయల్స్ ఫ్రాంచైజీ సోషల్ మీడియాలో పేర్కొంది. గతంలో ఆటగాడిగా ద్రవిడ్ రాజస్థాన్ రాయల్స్‌కు 46 మ్యాచ్‌లలో ప్రాతినిధ్యం వహించాడు.

Next Story