సరబ్‌జోత్‌కు ఘ‌న‌స్వాగ‌తం.. త‌ల్వార్‌ను బహుకరించిన సర్పంచ్

పారిస్ ఒలింపిక్స్‌లో 10 మీటర్ల ఎయిర్ పిస్టల్ మిక్స్‌డ్ డబుల్స్‌లో కాంస్య పతకాన్ని గెలుచుకున్న తర్వాత సరబ్జోత్.. ధీన్ గ్రామానికి చేరుకున్నాడు. గ్రామస్తులు సరబ్‌జోత్‌కు స్వాగతం పలికారు. సరబ్జోత్ సింగ్ తన తండ్రి జితేంద్ర సింగ్, తల్లి హర్దీప్ కౌర్ పాదాలను తాకి ఆశీస్సులు తీసుకున్నారు. శుక్రవారం ఉదయం నుంచి సమీప ప్రాంతాల నుంచి ప్రజలు వచ్చి సరబ్‌జోత్‌ను అభినందించారు. ఓ కుగ్రామానికి చెందిన షూటింగ్ క్రీడాకారుడు సరబ్‌జోత్ నేడు దేశానికి, రాష్ట్రానికి ప్రపంచంలోనే కీర్తి ప్రతిష్టలు తెస్తుండడం గర్వించదగ్గ విషయమని గ్రామస్తులు, బంధువులు అంటున్నారు.

ఈ సందర్భంగా అంబాలాలో షూటింగ్ విభాగానికి చెందిన క్రీడాకారులు కూడా సరబ్‌జోత్‌తో మాట్లాడారు. సరబ్‌జోత్ ఆ ఆటగాళ్లను ఏకాగ్రతతో తమ లక్ష్యంపై దృష్టి పెట్టాలని కోరారు. అంబాలాలో సరబ్‌జోత్‌కు ధీన్‌ గ్రామ పంచాయతీ సర్పంచ్ స్వాగతం పలికారు. సరబ్‌జోత్‌కు ఆయన త‌ల్వార్‌ను బహుకరించారు.