రాహుల్ ద్రవిడ్ స్థానాన్ని భ‌ర్తీ చేసిన సంగక్కర

ఐపీఎల్ 2026కి ముందు శ్రీలంక మాజీ కెప్టెన్ కుమార సంగక్కరకు క్రికెట్ డైరెక్టర్, హెడ్ కోచ్‌గా ద్వంద్వ బాధ్యతలను రాజస్థాన్ రాయల్స్ అప్పగించింది. రాహుల్ ద్రవిడ్ స్థానంలో సంగక్కర రాయల్స్‌లో చేరనున్నాడు. IPL 2025లో పేలవమైన ప్రదర్శన తర్వాత రాహుల్ ద్రవిడ్ రాజస్థాన్ రాయల్స్ నుండి నిష్క్రమించాడు. ఇది ఐదేళ్లలో IPLలో రాయల్స్ యొక్క చెత్త ప్రదర్శన.

రాయల్స్‌కు ప్రధాన కోచ్‌గా మారడంపై కుమార సంగక్కర మాట్లాడుతూ.. లక్ష్యం ఎల్లప్పుడూ స్థిరంగా ఉంటుంది, మేము IPL గెలవాలని కోరుకుంటున్నాము. ఇది మారదన్నాడు.

రాజస్థాన్ రాయల్స్ తీసుకునే అన్ని ప్రధాన నిర్ణయాలలో కుమార్ సంగక్కర పాల్గొంటాడు. డిసెంబర్ 16న అబుదాబిలో జరగనున్న వేలంలో ఆయన కీలక పాత్ర పోషించనున్నారు. 2021 నుండి 2024 వరకు సంగక్కర రాజస్థాన్ రాయల్స్ ప్రధాన కోచ్ పాత్రను పోషించాడు. అత‌డు నాలుగేళ్లలో రెండుసార్లు జ‌ట్టును ప్లేఆఫ్స్‌కు తీసుకెళ్లాడు.

మాజీ కెప్టెన్ సంజూ శాంసన్‌తో కలిసి సంగక్కర జట్టును చాలా పటిష్టంగా మార్చాడు. శాంసన్, సంగక్కర నేతృత్వంలో రాయల్స్ IPL 2022 ఫైనల్‌లోకి ప్రవేశించింది. అక్క‌డ‌ గుజరాత్ టైటాన్స్ చేతిలో ఓడిపోయింది.

రాజస్థాన్ రాయల్స్ కొత్త కెప్టెన్ కోసం వెతుకుతోంది. సంజూ శాంసన్‌ను చెన్నై సూపర్‌ కింగ్స్ తీసుకుంటుంది. రవీంద్ర జడేజా, సామ్ కర్రన్ రాజస్థాన్‌కు వచ్చారు. రాయల్స్‌లో యశస్వి జైస్వాల్, వైభవ్ సూర్యవంశీ, రియాన్ పరాగ్, ధ్రువ్ జురైల్‌లతో కూడిన మంచి భారతీయ ఆటగాళ్లు ఉన్నారు. జడేజా రాక జట్టుకు బలం చేకూరుస్తుంది.

ఐపీఎల్ 2026కి ముందు రాజస్థాన్ రాయల్స్ 9 మంది ఆటగాళ్లను విడుదల చేయ‌గా, ఇందులో ఇద్దరు శ్రీలంక స్పిన్నర్లు వనిందు హసరంగా, మహిష్ తీక్షణ పేర్లు ఉన్నాయి. మినీ వేలంలో సంగక్కర ఈ ఇద్ద‌రిలో ఎవ‌రినైనా కొనుగోలు చేస్తాడా లేదా అనేది ఆసక్తికరంగా మారింది.

రాజస్థాన్ రాయల్స్ రిటైన్ ఆట‌గాళ్లు..

ధ్రువ్ జురైల్, జోఫ్రా ఆర్చర్, క్వేనా మాఫ్కా, లువాన్ డ్రే ప్రిటోరియస్, నాంద్రే బ‌ర్గర్, ర్యాన్ పరాగ్, సందీప్ శర్మ, షిమ్రోన్ హెట్మెయర్, శుభమ్ దూబే, తుషార్ దేశ్‌పాండే, వైభవ్ సూర్యవంశీ, యశస్వి జైస్వాల్, యుధ్వీర్ జౌర్రాన్ సింగ్.

విడుదలైన ఆటగాళ్లు – కునాల్ సింగ్ రాథోడ్, ఆకాష్ మధ్వల్, అశోక్ శర్మ, ఫజల్ ఫరూకీ, కుమార్ కార్తికేయ, వనిందు హసరంగా, మహిష్ తీక్షణ.

అందుబాటులో ఉన్న స్లాట్లు - 9

పర్స్ లో ఉన్న డ‌బ్బు - రూ. 16.05 కోట్లు.