టాస్ గెలిచి బ్యాటింగ్ ఎంచుకున్న భార‌త్.. షాకిచ్చిన ద‌క్షిణాఫ్రికా బౌల‌ర్లు.. 31/2

India bats first as Virat Kohli wins the toss at Cape Town.కేప్‌టౌన్ వేదిక‌గా ద‌క్షిణాఫ్రికా, భార‌త జ‌ట్లు మూడో టెస్టులో

By తోట‌ వంశీ కుమార్‌  Published on  11 Jan 2022 9:33 AM GMT
టాస్ గెలిచి బ్యాటింగ్ ఎంచుకున్న భార‌త్.. షాకిచ్చిన ద‌క్షిణాఫ్రికా బౌల‌ర్లు.. 31/2

కేప్‌టౌన్ వేదిక‌గా ద‌క్షిణాఫ్రికా, భార‌త జ‌ట్లు మూడో టెస్టులో త‌ల‌ప‌డుతున్నాయి. నిర్ణ‌యాత్మ‌క ఈ మ్యాచ్‌లో టాస్ గెలిచిన కోహ్లీ మ‌రో ఆలోచ‌న లేకుండా బ్యాటింగ్ ఎంచుకున్నాడు. వెన్నునొప్పి కార‌ణంగా రెండో టెస్టుకు దూరం అయిన కోహ్లీ జ‌ట్టులోకి రాగా.. గాయం కార‌ణంగా మ‌హ‌మ్మ‌ద్ సిరాజ్ దూరం అయ్యాడు. సిరాజ్ స్థానంలో పేస‌ర్ ఉమేశ్ యాద‌వ్‌ను తుది జ‌ట్టులోకి తీసుకున్నారు. అయితే.. బ్యాటింగ్ ఎంచుకున్న భార‌త్‌కు ద‌క్షిణాఫ్రికా పేస‌ర్లు షాకిచ్చారు. ఓపెన‌ర్లు మ‌యాంక్ అగ‌ర్వాల్‌(15), కేఎల్ రాహుల్‌(12) ఇద్ద‌రిని పెవిలియ‌న్ చేర్చారు. దీంతో భార‌త్ 33 ప‌రుగుల‌కే రెండు వికెట్లు కోల్పోయి క‌ష్టాల్లో ప‌డింది. ప్ర‌స్తుతం కెప్టెన్ కోహ్లీ (0), పుజారా(2) ప‌రుగుల‌తో క్రీజులో ఉన్నారు.

భారత తుది జ‌ట్టు : కేఎల్‌ రాహుల్‌, మయాంక్‌ అగర్వాల్‌, ఛతేశ్వర్‌ పుజారా, అజింక్య రహానే, విరాట్‌ కోహ్లి(కెప్టెన్‌), రిషభ్‌ పంత్‌(వికెట్‌ కీపర్‌), రవిచంద్రన్‌ అశ్విన్‌, శార్దూల్‌ ఠాకూర్‌, మహ్మద్‌ షమీ, జస్‌ప్రీత్‌ బుమ్రా, ఉమేశ్‌ యాదవ్‌

ద‌క్షిణాఫ్రికా తుది జ‌ట్టు : డీన్‌ ఎల్గర్‌(కెప్టెన్‌), ఎయిడెన్‌ మార్కరమ్‌, కీగన్‌ పీటర్సన్‌, రసే వాన్‌ డెర్‌ డసెన్‌, తెంబా బవుమా, కైలీ వెరెనె(వికెట్‌ కీపర్‌), మార్కో జాన్‌సెన్‌, కగిసో రబడ, కేశవ్‌ మహరాజ్‌, డువానే ఒలివర్‌, లుంగి ఎంగిడి.

Next Story
Share it