12 బంతుల ఓవర్.. భారత్-ఇంగ్లండ్ మ్యాచ్ ప్రారంభంలో ఏం జ‌రిగిందంటే..?
క్రికెట్ మ్యాచ్‌లో ఒక ఓవర్‌లో ఆరు బంతులు ఉంటాయి. కొన్నిసార్లు బౌలర్ నియంత్ర‌ణ, గ‌తి కోల్పోయినప్పుడు వైడ్, నో బాల్ వంటివి వేస్తాడు.
By Medi Samrat
క్రికెట్ మ్యాచ్‌లో ఒక ఓవర్‌లో ఆరు బంతులు ఉంటాయి. కొన్నిసార్లు బౌలర్ నియంత్ర‌ణ, గ‌తి కోల్పోయినప్పుడు వైడ్, నో బాల్ వంటివి వేస్తాడు. దీంతో ఆ ఓవర్‌లో 7-8 బంతులు ప‌డ‌తాయి. కాగా.. ఇంగ్లండ్‌లో జరుగుతున్న ఓ మ్యాచ్‌లో స్టంప్ టూ స్టంప్ బంతిని వేయ‌లేక‌పోయిన ఒక బౌలర్ 12 బంతుల ఓవర్‌ను బౌల్ చేశాడు.
అండర్‌-19 భారత్, ఇంగ్లండ్ జట్ల మధ్య రెండో వన్డే సోమవారం నార్తాంప్టన్‌లో జరుగుతుంది. ఈ మ్యాచ్‌లో ఇంగ్లండ్ కెప్టెన్ థామస్ రీవ్ టాస్ గెలిచి ముందుగా బౌలింగ్ ఎంచుకున్నాడు. అలెక్స్ ఫ్రెంచ్ తొలి ఓవర్ బౌలింగ్ చేశాడు. మొదటి ఓవర్‌లోనే ఫ్రెంచ్ పరిస్థితి క్షీణించింది. అతనికి ఆరు బంతులు వేయడం కష్టంగా మారింది. అతను తొలి రెండు బంతులను వైడ్‌గా బౌల్డ్ చేయడం వల్ల టీమిండియాకు రెండు పరుగులు వచ్చాయి. అయితే.. ఆ ఓవర్ తొలి సరైన బంతికే ఫ్రెంచ్‌కి వికెట్ దక్కింది. అత‌డు భారత కెప్టెన్ ఆయుష్ మ్హత్రేను అవుట్ చేశాడు. ఆయుష్ ఖాతా తెరవలేకపోయాడు. తర్వాతి బంతిని కూడా ఫ్రెంచ్ సరిగ్గా బౌల్ చేశాడు. దానికి ఎటువంటి పరుగులు రాలేదు. రెండు సరైన బంతులు వేసిన తర్వాత మూడో బంతిని వైడ్‌గా వేశాడు. తర్వాతి రెండు బంతులు సరిగ్గా బౌల్ చేశాడు. దీంతో ఓవర్‌లోని నాలుగు లీగల్ బంతులు పూర్త‌య్యాయి. అలెక్స్ ఫ్రెంచ్ గాడిలో ప‌డి లైన్-లెంగ్త్ సాధించినట్లు అంద‌రికీ అనిపించింది. కానీ అతను మరొక వైడ్ బాల్ వేశాడు. ఆ తర్వాత ఒక సరైన బంతి వేసిన తర్వాత మరో రెండు వైడ్ బాల్స్ వేశాడు. ఆపై ఓవర్ చివరి బంతి మిగిలింది. ఫ్రెంచ్ తర్వాతి బంతిని సరిగ్గా వేయ‌గా బ్యాట్స్‌మెన్‌ ఫోర్ కొట్టాడు. ఈ విధంగా అతను ఆరు బంతుల ఓవర్‌లో ఆరు వైడ్ బాల్స్ వేశాడు. ఈ ఓవర్‌లో మొత్తం 10 పరుగులు ఇచ్చి ఒక వికెట్ కూడా తీశాడు.
ఇరు జట్ల మధ్య జరిగిన తొలి మ్యాచ్‌లో ఇంగ్లండ్ ఓటమి చవిచూడాల్సి వచ్చింది. వైభవ్ సూర్యవంశీ భారత్ త‌రుపున అద్భుతమైన ఇన్నింగ్స్ ఆడాడు. ఇంగ్లండ్ తరఫున రాకీ ఫ్లింటాఫ్ ఒక్క‌డే అర్ధ సెంచరీ సాధించాడు. ఇది జట్టు విజయానికి ఉప‌యోగ‌ప‌డ‌లేదు.
