క్రికెట్ లో తొందరగా పరుగులు తీయాల్సి వస్తూ ఉంటుంది. కొన్ని కొన్ని సార్లు నాన్ స్ట్రైకర్ బైస్ కు పరిగెత్తాల్సి ఉంటుంది. కాబట్టి కాస్త అలర్ట్ గా నాన్ స్ట్రైకర్ ఎండ్ లో ఉండాల్సి ఉంటుంది. ఇలాంటి క్విక్ రన్స్ కారణంగా మంచి బ్యాట్స్మెన్ స్ట్రైక్ లోకి రావడం.. జట్టుకు ఎంతో కొంత స్కోర్ అందించడం వంటివి జరుగుతూ ఉంటాయి. అయితే బాల్ వేయకముందే పరిగెత్తుతూ ఉన్న సందర్భాలు చాలా వివాదాస్పదం అయ్యాయి. మన్కడింగ్ విషయంలో కూడా చాలా చర్చనే జరుగుతూ ఉంటుంది. మరీ ప్రతీ బాల్ కు నాన్ స్ట్రైకర్ చాలా ముందుకు పరిగెత్తుతూ ఉంటే క్రికెట్ స్పిరిట్ కూడా నశిస్తూ ఉంటుంది. తాజాగా ఓ నాన్ స్ట్రైకర్ రన్నింగ్ కు సంబంధించిన వీడియో సోషల్ మీడియాలో వైరల్ అవుతూ ఉంది.
యూరోపియన్ క్రికెట్ మ్యాచ్లో ఓ సంఘటన చోటు చేసుకుంది. ట్విటర్లో అప్లోడ్ చేసిన వీడియోలో, నాన్-స్ట్రైకర్ ఎండ్లో ఉన్న బ్యాటర్ పరుగు కోసం పరుగెత్తడం ప్రారంభిస్తాడు, కానీ అతను చాలా ముఖ్యమైన అంశాన్ని పరిగణనలోకి తీసుకోవడం మర్చిపోయాడు. అదేమిటంటే బంతి ఇంకా బోలర్ విసరలేదు. బౌలర్ బంతిని విడుదల చేయలేదని గ్రహించేలోపు బ్యాటర్ తన క్రీజ్ను వదిలి పిచ్లో సగం దూరం దాటి పోయాడు. ఆసక్తికరంగా బౌలర్ 'మన్కడ్' చేయకూడదని అనుకున్నాడు. అద్భుతమైన 'స్పిరిట్ ఆఫ్ క్రికెట్' ను ప్రదర్శించాడు. బౌలర్ త్వరగా అంపైర్కి సూచించాడు, అంపైర్ ఈ సంఘటనకు నాన్-స్ట్రైకర్ను హెచ్చరించాడు. ఇటీవల, మేరీల్బోన్ క్రికెట్ క్లబ్ (MCC) లాస్ సబ్కమిటీ 'మన్కడింగ్' చట్టానికి కొన్ని సవరణలు చేసి 'రన్ అవుట్' కేటగిరీలో చేర్చింది.