IPL 2025 : కొత్త అంపైర్లు వ‌స్తున్నారు.. పాత వారిలో ఒక‌రు వ్యాఖ్య‌త‌గా.. మ‌రొక‌రు అస‌లే కనిపించరు..!
ఐపీఎల్ 2025 సీజన్ కోసం అంపైర్ల టీమ్‌ను బీసీసీఐ ప్రకటించింది.
By Medi Samrat
ఐపీఎల్ 2025 సీజన్ కోసం అంపైర్ల టీమ్‌ను బీసీసీఐ ప్రకటించింది. ఈ జట్టులో ఏడుగురు కొత్త భారత అంపైర్లు చేర్చబడ్డారు. వీరు తొలిసారిగా ఐపీఎల్‌లో అంపైరింగ్ చేస్తూ కనిపించనున్నారు. అదే సమయంలో అనుభవజ్ఞులైన అంపైర్లు కుమార ధర్మసేన, అనిల్ చౌదరి ఈసారి మైదానంలో కనిపించరు. భారత వెటరన్ అంపైర్ అనిల్ చౌదరి, శ్రీలంక మాజీ ఆఫ్ స్పిన్నర్ కుమార ధర్మసేన ఈసారి ఐపీఎల్‌లో అంపైర్లుగా వ్యవహరించడం లేదు.
వెటరన్ అంపైర్ అనిల్ చౌదరి ఈసారి కామెంట్రీ చేస్తూ కనిపించనున్నారు. వీరిద్దరూ లేని పక్షంలో అంతర్జాతీయ అంపైర్లు మైకేల్ గోఫ్, క్రిస్ గాఫ్నీ, అడ్రియన్ హోల్డ్‌స్టాక్ బాధ్యతలు స్వీకరించనున్నారు. ధర్మసేన ఎందుకు అంపైరింగ్ చేయ‌డం లేదో ఖచ్చితమైన సమాచారం లేదు.
బీసీసీఐ జట్టులో చేరిన ఏడుగురు కొత్త అంపైర్‌లలో స్వరూపానంద కన్నూర్, అభిజీత్ భట్టాచార్య, పరాశర్ జోషి, అనిష్ సహస్త్రబుద్ధే, కేయూర్ కేల్కర్, కౌశిక్ గాంధీ, అభిజీత్ బెంగర్ ఉన్నారు. అదే సమయంలో కొన్ని రోజుల క్రితం యుపిసిఎ ఐపిఎల్‌లో అంపైర్‌గా తన్మయ్ శ్రీవాస్తవ అరంగేట్రం గురించి సమాచారాన్ని ఇస్తూ ఒక పోస్ట్‌ను షేర్ చేసింది. కొత్త అంపైర్లందరూ అనుభవజ్ఞులైన అంపైర్లు ఎస్ రవి, సికె నందన్‌ల ఆధ్వర్యంలో పని చేస్తారు.
IPL మొదటి సీజన్ 2008 సంవత్సరంలో జ‌రిగింది. అప్పటి నుండి అనిల్ చౌదరి IPLలో అంపైర్‌గా ఉన్నారు. 60 ఏళ్ల చౌదరి ఇప్పుడు అంపైరింగ్ నుండి తప్పుకోవాలని నిర్ణయించుకున్నాడు. 18వ సీజన్‌లో కొత్త పాత్రలో కనిపించనున్నాడు. టీవీ వ్యాఖ్యాతగా అరంగేట్రం చేయనున్నారు. అనిల్ చౌదరి అంపైరింగ్ నుంచి పూర్తిగా తప్పుకునే అవకాశం ఉందని ఊహాగానాలు వినిపిస్తున్నాయి.
