IPLలో ఇక ఆ బాదుడు చూడలేం.. నెక్ట్స్ 'పవర్ కోచ్' పాత్రలో..
కోల్కతా నైట్ రైడర్స్ లెజెండ్ ఆండ్రీ రస్సెల్ ఐపీఎల్ 2026 సీజన్ కంటే ముందే రిటైర్మెంట్ ప్రకటించాడు.
By - Medi Samrat |
కోల్కతా నైట్ రైడర్స్ లెజెండ్ ఆండ్రీ రస్సెల్ ఐపీఎల్ 2026 సీజన్ కంటే ముందే రిటైర్మెంట్ ప్రకటించాడు. ఆదివారం సోషల్ మీడియాలో ఓ వీడియోను షేర్ చేస్తూ ఈ విషయాన్ని ప్రకటించాడు. అతడు జట్టు సహాయక సిబ్బందిలో "పవర్ కోచ్"గా చేరబోతున్నట్లు వెల్లడించాడు. ఇటీవలి రిటెన్షన్లో కేకేఆర్ అతడిని జట్టుతోపాటే ఉంచుకోలేదు.
2014, 2024లో KKR టైటిల్ విన్నింగ్ టీమ్లలో భాగమైన రస్సెల్.. 2019 IPLలో అత్యంత విలువైన ఆటగాడు కూడా కావడం గమనార్హం. KKR తరపున రస్సెల్ 16 సార్లు ప్లేయర్ ఆఫ్ ది మ్యాచ్ టైటిల్ను గెలుచుకున్నాడు.
రస్సెల్ వీడియో సందేశంలో.. నేను ఐపిఎల్ నుండి రిటైర్ కావాలని నిర్ణయించుకున్నాను. నేను ఇప్పటికీ ప్రపంచవ్యాప్తంగా వివిధ లీగ్లలో, KKR యొక్క అన్ని ఇతర ఫ్రాంచైజీలలో చురుకుగా ఆడటం కొనసాగిస్తాను.
నాకు జట్టులో కొన్ని గొప్ప క్షణాలు, గొప్ప జ్ఞాపకాలు ఉన్నాయి. సిక్స్లు కొట్టడం, మ్యాచ్లు గెలవడం, MVP అవ్వడం ఇలా ఎన్నో విషయాలు ఉన్నాయి. కానీ, కొన్నిసార్లు మనం ఎప్పుడు రిటైర్ అవ్వాల్లో తెలుసుకోవాలి. నేను ఈ నిర్ణయం తీసుకున్నప్పుడు, 'అవును, ఇది ఉత్తమ నిర్ణయం' అని అనుకున్నానని పేర్కొన్నాడు.
KKR కొత్త కోచ్ అభిషేక్ నాయర్ నేతృత్వంలో రస్సెల్ కొత్త లుక్తో కనిపించనున్నాడు. అతను 'పవర్ కోచ్'గా జట్టులో చేరనున్నాడు. టిమ్ సౌథీ బౌలింగ్ కోచ్గా నియమితుడయ్యాడు. షేన్ వాట్సన్ అసిస్టెంట్ కోచ్గా చేరాడు. డ్వేన్ బ్రావో జట్టు మెంటార్ పాత్రలో కొనసాగనున్నాడు.
37 ఏళ్ల రస్సెల్ 2012లో ఢిల్లీ డేర్డెవిల్స్తో (ఇప్పుడు ఢిల్లీ క్యాపిటల్స్) ఐపీఎల్ను ప్రారంభించాడు. IPL 2014లో KKRకి వెళ్లి 2025 వరకు జట్టుతో కొనసాగాడు. 2000 కంటే ఎక్కువ పరుగులు, 100 వికెట్లు తీసిన ఇద్దరు ఆటగాళ్లలో రస్సెల్ ఒకరు. రవీంద్ర జడేజా రెండో స్థానంలో ఉన్నాడు.