ప్రభుత్వ రేషన్ బియ్యంలో ఎలుక పిల్లలు.. ప్రజలు షాక్‌.. వీడియో
Theni District Ration Card Holders Were Shocked To Find Rat Pups In Rice. తమిళనాడులోని ఓ రేషన్ షాపులో బియ్యం కొనుగోలు చేసిన వ్యక్తికి షాక్‌ తగిలింది.
By అంజి Published on 11 Dec 2022 7:58 AM GMT
తమిళనాడులోని ఓ రేషన్ షాపులో బియ్యం కొనుగోలు చేసిన వ్యక్తికి షాక్‌ తగిలింది. బియ్యంలో ఎలుక పిల్లలు రావడంతో స్థానికంగా కలకలం రేగింది. అంటిపట్టి సమీపంలోని తిరుమలపురం పంచాయతీ పరిధిలోని బాలసముద్రం గ్రామంలో రేషన్ దుకాణం నడుస్తోంది. బాలసముద్రం, కల్లుపట్టి, బంధువార్‌పట్టి తదితర గ్రామాల్లో నివసిస్తున్న 500 మందికి పైగా ఈ దుకాణంలో రేషన్ సరుకులు కొనుగోలు చేస్తున్నారు. ఈ క్రమంలో నిన్న దుకాణంలో బియ్యం పంపిణీ చేశారు. ఈ క్రమంలోనే బాలసముద్రానికి చెందిన మురుగన్ కుమారుడు మోహన్ మూటలో రేషన్ బియ్యాన్ని కొనుగోలు చేశాడు.
అనంతరం బియ్యాన్ని ఇంటికి తీసుకెళ్లి బస్తా తెరిచాడు. అప్పుడు సంచిలో ఉన్న బియ్యం నుండి 5 కంటే ఎక్కువ ఎలుకలు పరిగెత్తాయి. దీంతో షాక్‌కు గురైన అతడు బియ్యం తీసుకుని రేషన్ దుకాణానికి వచ్చాడు. అనంతరం దుకాణం ముందు నేలపై బియ్యాన్ని పారబోసి రేషన్‌షాపు డీలర్‌తో వాగ్వాదానికి దిగాడు. అతనికి మద్దతుగా స్థానికులు కూడా డీలర్‌తో వాగ్వాదానికి దిగారు. పేదలకు అందజేసే రేషన్ బియ్యంలో ఎలుకల ఘటన ఆ ప్రాంతంలో కలకలం రేపింది. తమిళనాడు ప్రభుత్వం అందిస్తున్న రేషన్ బియ్యంలో ఎలుకల పిల్లలు కనిపించడంతో బాలసముద్రం గ్రామస్తులు తీవ్ర దిగ్భ్రాంతికి లోనయ్యారు. నాణ్యమైన బియ్యం అందించాలని ప్రజలు కోరుతున్నారు. ఈ ఘటనపై ప్రభుత్వం విచారణ జరుపుతోంది.
