భారత సరిహద్దులో చైనా సైన్యం కాలుదువ్వుతున్న ప్రస్తుత పరిస్థితుల్లో.. ఫ్రాన్స్ నుంచి భారత్ కొనుగోలు చేసిన 5 అత్యాధునిక రాఫెల్ యుద్ధ విమానాలు వాయుసేన అమ్ములపొదిలో చేరాయి. రాఫెల్ విమానాల చేరిక‌తో భార‌త రక్షణశాఖ బ‌లం మ‌రింత పెరిగిన‌ట్ట‌యింది.

గురువారం అంబాలలోని వైమానిక స్థావరంలో రాఫెల్ యుద్ధ విమానాలకు భారత రక్షణశాఖ సర్వమ‌త ప్రార్థ‌న‌లు చేశారు. ఈ కార్యక్రమానికి భారత రక్షణశాఖ మంత్రి రాజ్‌నాథ్ సింగ్‌తో పాటు ఫ్రాన్స్ రక్షణ మంత్రి ఫ్లోరెన్స్ పార్లీ ముఖ్య అతిథిగా హాజరయ్యారు.

ఈ సందర్భంగా రాఫెల్ యుద్ధ విమానాల విన్యాసాలు చూప‌రుల‌ను ఆకట్టుకున్నాయి. ఆకాశంలో మెరుపులు మెరిపిస్తూ సత్తా చాటాయి. రాఫెల్ యుద్ధ విమానాలను అధికారికంగా వాయుసేనలో ప్రవేశపెట్టారు. మొదటి బ్యాచ్‌కు చెందిన ఈ 5 రాఫెల్ యుద్ధ విమానాలు గోల్డెన్ యారోస్‌లోకి 17వ స్క్వాడ్రన్‌లో భాగం కానున్నాయి.

ఇదిలావుంటే.. నాలుగేళ్ల క్రితం భార‌త్‌కు‌, ప్రాన్స్‌ 36 రాఫేల్ విమానాలు అంధించే విధంగా ఒప్పందం కుదిరింది. ఈ ఒప్పందం విలువ రూ.59000 కోట్లు. ఈ విమానాల త‌యారీ బాధ్య‌త‌ను ఆ దేశానికి చెందిన ఎరో స్పేస్ సంస్థ ద‌సో ఎవియేష‌న్ తీసుకుంది. ఒప్పందంలో భాగంగా మొద‌టి బ్యాచ్‌కు చెందిన ఐదు విమానాలు జులై 29న‌ భార‌త్‌కు చేరుకున్నాయి.

న్యూస్‌మీటర్ తెలుగు

విశ్వసనీయమైన డిజిటల్ మీడియా ప్లాట్‌ఫారమ్ మీకు విశ్వసనీయ వార్తా కథనాలను మరియు ప్రస్తుత వ్యవహారాల విశ్లేషణను తెస్తుంది.

Leave a Reply

Your email address will not be published. Required fields are marked *