'జూ' కు వెళ్తే జంతువుల‌ను చూసి రావాలి.. అంతేగాని..

Spider monkeys pull girl by her hair in scary viral video from Mexico. మెక్సికోలో ఓ భయానక సంఘటన జ‌రిగింది. జంతుప్రదర్శనశాలలోని

By Medi Samrat  Published on  26 July 2022 10:30 AM GMT
జూ కు వెళ్తే జంతువుల‌ను చూసి రావాలి.. అంతేగాని..

మెక్సికోలో ఓ భయానక సంఘటన జ‌రిగింది. జంతుప్రదర్శనశాలలోని రెండు స్పైడర్ కోతులు ఒక అమ్మాయి జుట్టు పట్టుకున్నాయి. దీనికి సంబంధించిన వీడియో ఆన్‌లైన్‌లో వైరల్‌గా మారింది. ఈ వీడియోకు దాదాపు 9 లక్షల వ్యూస్ వ‌చ్చాయి. అయితే వీడియోపై నెటిజన్లు త‌మ‌దైన రీతిలో కామెంట్స్ చేస్తున్నారు. వీడియో క్లిప్ చూస్తే.. మొద‌ట అమ్మాయి కోతులున్న ఎన్‌క్లోజర్‌ను ప‌దే ప‌దే చేతితో కొడుతుంది. వెంట‌నే ఓ కోతి అమ్మాయి జ‌ట్టు ప‌ట్టుకుని లాగ‌డం ప్రారంభించింది. స్పైడర్ కోతి పట్టు నుండి తనను తాను విడిపించుకోవడానికి అమ్మాయి అరుపులు పెట్టింది.

బాధాకరమైన పట్టు నుండి తనను తాను విడిపించుకోవడానికి తన శాయశక్తులా ప్రయత్నించింది. మరికొంత మంది అమ్మాయిని విడిపించ‌డానికి జోక్యం చేసుకునేందుకు ప్రయత్నించినా ఫలితం లేకపోయింది. చివరకు ఆమె తనను తాను విడిపించుకోగలిగింది. అయితే వెళ్లే సమయంలో స్పైడర్ కోతులు మళ్లీ ఆమె జుట్టు పట్టుకున్నాయి. ఏదైతేనేం బాలిక పెద్ద‌గా గాయాలు లేకుండా బయటపడింది.

వైరల్ క్లిప్ కు నెటిజన్ల ద్వారా భిన్న‌మైన కామెంట్స్ వ‌స్తున్నాయి. "దీన్ని మనం కర్మ అని పిలుస్తామా? అవును. మ‌నం రెచ్చగొట్టినప్పుడు ఇది జరుగుతుంది, "అని ఓ నెటిజ‌న్‌ రాశారు. మరికొందరు ఆమె దానికి అర్హురాలని అభిప్రాయపడ్డారు. మరొక వినియోగదారు.. "నేను దీన్ని ఇష్టపడుతున్నాను" అని వ్యాఖ్యానించారు.











Next Story
Share it