అట్లుంటది.. ఫ్రెండ్స్ తోటి..

ఒక వ్యక్తి వివాహ సమయంలో వరుడి దండ నుండి కొంత డబ్బు తీసుకోవడానికి ప్రయత్నించాడు. ఇన్‌స్టాగ్రామ్‌లో ఈ వీడియో వైరల్‌గా మారింది. ఈ వీడియోను చూసి నెటిజన్లు తెగ నవ్వుకుంటూ ఉన్నారు.

పెళ్లిలో భాగంగా వరుడికి డబ్బుతో కూడిన దండను ఇచ్చారు. అతడు అది ధరించి స్నేహితులు, బంధువులతో కలిసి కూర్చున్నాడు. ఆ సమయంలో వరుడి దగ్గర కూర్చున్న ఒక వ్యక్తి దండలోంచి కొన్ని కరెన్సీ నోట్లను లాక్కునేందుకు ప్రయత్నించాడు. వరుడు అతని వైపు తిరుగుతాడు. ఆ వ్యక్తి వెంటనే తన చేతిని తీసివేస్తాడు. కొద్ది క్షణాల తర్వాత ఆ వ్యక్తి విజయవంతంగా చేతినిండా నగదును తీసుకుంటాడు. స్నేహితులు కలిసే ఈ పని చేశారని పలువురు అభిప్రాయపడుతూ ఉన్నారు.

పెళ్లి తేదీ లేదా ప్రదేశంకు సంబంధించిన వివ‌రాలు వీడియోలో వెల్లడించలేదు. పెళ్లికొడుకు పక్కనే కూర్చున్న అతని స్నేహితుడు ధరించిన దండలోంచి కొన్ని కరెన్సీ నోట్లను లాక్కునేందుకు ప్రయత్నించి సక్సెస్ అయ్యాడు.