పండగ చేసుకోండి : నెట్ఫ్లిక్స్ ఫ్రీ-ట్రయల్ ఆఫర్
By న్యూస్మీటర్ తెలుగు Published on 21 Oct 2020 11:50 AM GMT![పండగ చేసుకోండి : నెట్ఫ్లిక్స్ ఫ్రీ-ట్రయల్ ఆఫర్ పండగ చేసుకోండి : నెట్ఫ్లిక్స్ ఫ్రీ-ట్రయల్ ఆఫర్](https://telugu.newsmeter.in/wp-content/uploads/2020/10/Netflix-Free-Trial-Offer.jpg)
ప్రముఖ ఓటీటీ దిగ్గజం నెట్ఫ్లిక్స్ భారత్లో రెండు రోజుల పాటు ఫ్రీ ట్రయల్ను అందించేందుకు సిద్ధమైంది. డిసెంబర్ నాలుగో తేదీ నుంచి ఇది అందుబాటులోకి రానుంది. దీనికి స్ట్రీమ్ ఫెస్ట్ అని పేరు కూడా పెట్టింది. మొదటగా ఈ ఆఫర్ కేవలం మనదేశంలో మాత్రమే అందుబాటులోకి రానుంది.
ఆ తర్వాత కొత్త ప్లాన్ను ఇతర దేశాల్లో తీసుకొచ్చేందుకు నెట్ఫ్లిక్స్ ప్రణాళికలు రచిస్తోంది. నెట్ఫ్లిక్స్ ఇప్పటికే 30 రోజుల ఉచిత ట్రయల్స్ను అందిస్తున్నది. అయితే తర్వాత కొన్ని దేశాల్లో దాన్ని క్యాన్సిల్ చేసింది. ఇప్పుడు మళ్లీ ఈ రెండు రోజుల ఫ్రీ-ట్రయల్ ఆఫర్ను అందుబాటులోకి తీసుకువచ్చింది.
మనదేశంలో ఈ ఆఫర్కు రెస్పాన్స్ బాగుంటే మిగతా దేశాల్లో కూడా ఈ ఆఫర్ను నెట్ ఫ్లిక్స్ అందుబాటులోకి తీసుకువచ్చే అవకాశం ఉంది. గతంలో ఒక నెల ఉచిత ట్రయల్ కోసం క్రెడిట్, డెబిట్ కార్డు వివరాలు అందించాల్సి వచ్చేది. అయితే ఈ రెండు రోజుల ప్రమోషనల్ ఆఫర్కు మాత్రం ఆ అవసరం లేదు.
కొత్త వినియోగదారులు ప్లాట్ఫామ్లోని కొన్ని సినిమాలు, వెబ్సిరీస్లను చూడటానికి ఈ ఆఫర్ ప్రవేశపెట్టింది. ఈనెల ఆరంభంలో అమెరికాలో 30రోజుల ఉచిత సేవలను నెట్ఫ్లిక్స్ నిలిపివేసింది. భారత్తో పాటు పలు దేశాల్లో ఈ సర్వీసు అమల్లోనే ఉంది. కొత్త వినియోగదారులను ఆకట్టుకునే ఉద్దేశంతో రెండు రోజుల ప్రమోషనల్ ఆఫర్ తీసుకొచ్చినట్లు నెట్ఫ్లిక్స్ చీఫ్ ప్రొడక్ట్ ఆఫీసర్ గ్రెగ్ పీటర్స్ తెలిపారు. ప్రమోషన్ ఆఫర్లో భాగంగా యూజర్లు 48 గంటల పాటు ఉచితంగా నెట్ఫ్లిక్స్ను వాడుకొనే వీలుంది.