మాకు తమిళం అంటే ఇష్టం.. హిందీని మాపై రుద్దొద్దు.. అలాచేస్తే మాత్రం: సీఎం స్టాలిన్‌

'మొజిపోర్' (భాష కోసం యుద్ధం) అమరవీరుల సన్మాన కార్యక్రమంలో సీఎం స్టాలిన్ మాట్లాడుతూ.. 1967లో అన్నా(సీఎన్ అన్నాదురై) అధికారంలోకి రాగానే ద్విభాషా విధానాన్ని తీసుకొచ్చాడు. మొజిపోర్‌ ఫలితంగా రాష్ట్రానికి తమిళనాడుగా నామకరణం చేశారన్నారు. "రాష్ట్ర భాషలను దేశ అధికారిక భాషలుగా సులభతరం చేసే చట్టాలను సవరించడానికి మేము ఇంకా పోరాడుతూనే ఉన్నాము" అని సీఎం స్టాలిన్ అన్నారు. ''తమిళం అని చెప్పుకున్నంత మాత్రాన మనం సంకుచిత మనస్తత్వం ఉన్నవాళ్లమని కాదు. హిందీకే కాదు, ఏ భాషకూ మేం వ్యతిరేకం కాదు'' అని సీఎం స్టాలిన్ అన్నారు.

"మేము హిందీని వ్యతిరేకించము. మేము హిందీని విధించడాన్ని మాత్రమే వ్యతిరేకిస్తాము. మాకు తమిళం అంటే ఇష్టం, అంటే వేరే భాషను ద్వేషిస్తున్నామని కాదు'' అని సీఎం స్టాలిన్ పేర్కొన్నారు. ఒక భాష నేర్చుకోవడం అనేది ఒక వ్యక్తి నుండి ఆసక్తిగా రావాలని, దానిని ఎన్నటికీ విధించకూడదని కూడా అతను చెప్పాడు. "హిందీని విధించాలనుకునే వారు దానిని ఆధిపత్యానికి చిహ్నంగా భావిస్తారు. ఒకే మతం ఉండాలని వారు భావిస్తున్నట్లే, ఒకే భాష ఉండాలని వారు భావిస్తున్నారు' అని సీఎం స్టాలిన్ అన్నారు.

హిందీని మాపై విధించాలనుకునే శక్తులు.. హిందీ మాట్లాడే వారిని అన్ని విభాగాల్లోకి తీసుకుని.. హిందీ మాట్లాడని వారిని ద్వితీయ శ్రేణి పౌరులుగా చేయాలని భావిస్తున్నాయని ఆరోపించారు. "ఒకరి మాతృభాషను హిందీతో భర్తీ చేయడానికి ప్రయత్నాలు జరుగుతున్నాయి. దీనిని మేము వ్యతిరేకిస్తున్నాము. తమిళ, తమిళనాడు వారికి చేదుగా అనిపిస్తోంది'' అని సీఎం స్టాలిన్ పేర్కొన్నారు. గణతంత్ర దినోత్స వ వేడుకల్లో తమిళనాడు టేబిల్‌ను తిరస్కరించినందుకు, ఉద్దేశపూర్వకంగా ఇది జరిగిందని ముఖ్యమంత్రి కేంద్ర ప్రభుత్వంపై మండిపడ్డారు.