Mahakumbh mela: మహిళ స్నానం చేస్తుండగా వీడియో.. జర్నలిస్ట్‌ అరెస్టు

ఉత్తరప్రదేశ్‌లోని ప్రయాగ్‌రాజ్‌ మహాకంభమేళాలో ఆడవాళ్లు స్నానం చేస్తుండగా వీడియో తీసిన జర్నలిస్టును పోలీసులు అరెస్ట్‌ చేశారు. క్రమాన్‌ అల్వి అనే లోకల్‌ జర్నలిస్టు ఓ మహిళ నదిలో స్నానం చేస్తుండగా వీడియో తీసి, ఆ వీడియోను సోషల్‌ మీడియాలో పోస్ట్‌ చేశాడు. దానికి అసభ్యకరమైన కామెంట్‌ జోడించాడు. ఇది అధికారుల దృష్టికి వెళ్లడంతో అతడిపై కేసు పెట్టి, అరెస్ట్‌ చేశారు.

ఉత్తరప్రదేశ్‌లోని బారాబంకికి చెందిన స్థానిక జర్నలిస్ట్‌ను మహాకుంభ మేళలో మహిళ స్నానం చేస్తుండగా తీసిన వీడియో, అలాగే హిందూ దేవతలపై సోషల్ మీడియాలో అభ్యంతరకరమైన వ్యాఖ్యలు చేశారనే ఆరోపణలపై పోలీసులు అరెస్టు చేశారు. తన సొంత వెబ్‌సైట్, వార్తాపత్రికను నిర్వహిస్తున్న కమ్రాన్ అల్వీ అనే జర్నలిస్ట్.. మహా కుంభ్‌లో మహిళల స్నానం వీడియోను కూడా షేర్ చేసి అసభ్యకరమైన వ్యాఖ్యలు చేశాడు.

అధికారుల ప్రకారం.. కమ్రాన్ అల్వీ మహా కుంభ కర్మ స్నానాన్ని చిత్రీకరిస్తున్న వీడియోపై అవమానకరమైన వ్యాఖ్యను పోస్ట్ చేశాడు. ఈ ఘటన రాష్ట్ర యంత్రాంగం దృష్టికి తీసుకెళ్లడంతో కేసు నమోదు చేశారు. అనంతరం కమ్రాన్‌ను పోలీసులు అదుపులోకి తీసుకున్నారు.

అసిస్టెంట్ సూపరింటెండెంట్ ఆఫ్ పోలీస్ (ASP) అఖిలేష్ నారాయణ్ సింగ్ అరెస్టును ధృవీకరించారు. జర్నలిస్ట్ అనుచిత వ్యాఖ్యలతో పాటు మహా కుంభ కర్మ స్నానంలో పాల్గొన్న మహిళల అభ్యంతరకరమైన వీడియోను సోషల్ మీడియాలో షేర్ చేశాడని పేర్కొంది. పోలీసులు వేగంగా చర్యలు తీసుకున్నారని, కేసు నమోదు చేసి జర్నలిస్టును అరెస్టు చేశారని సింగ్ తెలిపారు. ఈ విషయంపై తదుపరి విచారణ కొనసాగుతోంది.