'మా గ్రామంలో 184 మంది జైలుకు వెళ్లారు'.. నేను చనిపోయే వరకూ ఆ దృశ్యాలను మర్చిపోలేను
'50 ఏళ్ల ఎమర్జెన్సీ' కార్యక్రమంలో కేంద్ర హోంమంత్రి అమిత్ షా మంగళవారం ప్రసంగించారు.
By Medi Samrat
'50 ఏళ్ల ఎమర్జెన్సీ' కార్యక్రమంలో కేంద్ర హోంమంత్రి అమిత్ షా మంగళవారం ప్రసంగించారు. ఈ సందర్భంగా ఆయన మాట్లాడుతూ.. ఎమర్జెన్సీ విధించినప్పుడు నాకు 11 ఏళ్లు. గుజరాత్‌లో ఎమర్జెన్సీ ప్రభావం తక్కువగా ఉంది.. ఎందుకంటే అక్కడ ప్రజా ప్రభుత్వం ఏర్పడింది. అయితే తర్వాత ఆ ప్రభుత్వం పడిపోయింది.. నేను ఒక చిన్న గ్రామం నుండి వచ్చాను.. ఒక్క మా గ్రామంలోనే 184 మంది జైలుకు వెళ్లారు.. ఆ రోజును, ఆ దృశ్యాలను నేను చనిపోయే వరకు మర్చిపోలేనని పేర్కొన్నారు.
స్వేచ్ఛగా ఉండాలనే ఆలోచనతో ఉన్న‌వారు.. జైలుకు వెళ్లడాన్ని ఊహించలేమని షా అన్నారు. ఆ ఉదయం భారతదేశ ప్రజల పట్ల ఎంత క్రూరంగా ఉందో మనం ఊహించలేము. ఎమర్జెన్సీని ఒక్క వాక్యంలో నిర్వచించడం కష్టమని కేంద్ర హోంమంత్రి అన్నారు. నేను దాని నుండి ఒక అర్ధాన్ని పొందాను. బహుళపక్ష ప్రజాస్వామ్యాన్ని నియంతృత్వంగా మార్చడానికి జ‌రిగిన కుట్ర అత్యవసర పరిస్థితి అన్నారు. దేశంలో నియంతృత్వాన్ని ఎవరూ సహించలేరు కాబట్టి ఈ యుద్ధం గెలిచిందని ఆయన అన్నారు. భారతదేశం ప్రజాస్వామ్యానికి తల్లి.. నియంతలు.. లబ్ధి పొందిన ఆ చిన్న సంకుచిత సమూహం తప్ప.. ఆ సమయంలో ఎమర్జెన్సీని ఎవరూ ఇష్టపడలేదన్నారు. తనను ఎవరూ సవాలు చేయలేరనే భ్రమలో వారు ఉన్నారు.. అయితే ఎమర్జెన్సీ తర్వాత మొదటి లోక్‌సభ ఎన్నికలు జరిగినప్పుడు.. స్వాతంత్ర్యం వచ్చిన తర్వాత మొదటిసారిగా కాంగ్రెసేతర ప్రభుత్వం ఏర్పడి మొరార్జీ దేశాయ్ ప్రధానమంత్రి అయ్యారని పేర్కొన్నారు.
