బోరుబావిలో పడిపోయిన రెండేళ్ల చిన్నారి

గురువారం రెండేళ్ల బాలిక ఇంటి బయటకు ఆడుకుంటూ.. ప్రమాదవశాత్తు 200 అడుగుల బోరుబావిలో పడిపోయింది. ఈ విషయం బాలిక కుటుంబ సభ్యులకు తెలియడం వల్ల.. వారు వెంటనే అధికారులకు సమాచారం అందించారు. ఈ ఘటన రాజస్థాన్‌ దౌసాలో జరిగింది. బాలికను బోరుబావి నుంచి బయటకు తీసేందుకు అధికారులు తీవ్రంగా శ్రమిస్తున్నారు. 60 నుంచి 70 అడుగుల లోతులో బాలిక చిక్కుకుపోవడంతో ఆమెను రక్షించేందుకు ప్రయత్నాలు కొనసాగుతున్నాయి.

అభనేరి సమీపంలోని జస్సా పడ గ్రామంలో ఈ ఘటన జరిగినట్లు పోలీసులు తెలిపారు. బాలిక అంకిత ఇంటి బయట ఆడుకుంటూ బోరుబావిలో పడిపోయింది. బోరుబావి చుట్టు పక్కల జేసీబీ సాయంతో తవ్వి సీసీ కెమెరాల ద్వారా బాలిక కదలికలను పరిశీలిస్తున్నారు. ఆమెకు పైపుల ద్వారా ఆక్సిజన్‌ ​​సరఫరా చేస్తున్నారు. పోలీసులు, ఎస్‌డీఆర్‌ఎఫ్ సిబ్బంది బాలికను సురక్షితంగా రక్షించేందుకు ప్రయత్నిస్తున్నారని ఓ అధికారి తెలిపారు. ఘటనా స్థలంలో భారీగా జనం గుమిగూడారు.