ముగ్గురు తీవ్రవాదులను మట్టుబెట్టిన భారత సైన్యం

జమ్మూ కశ్మీర్‌లోని కుల్గాం జిల్లాలోని అఖల్ అటవీ ప్రాంతంలో భద్రతా దళాలతో జరిగిన కాల్పుల్లో ముగ్గురు ఉగ్రవాదులు హతమయ్యారు. ఈ ఎన్‌కౌంటర్ ఆపరేషన్ అఖల్‌లో భాగం. ఉగ్రవాదులు నిషేధిత లష్కరే తోయిబా (ఎల్‌ఇటి) అనుబంధ సంస్థ ది రెసిస్టెన్స్ ఫ్రంట్ (టిఆర్‌ఎఫ్)తో అనుబంధంగా ఉన్నారని, ఇటీవలి పహల్గాం దాడితో సంబంధం కలిగి ఉన్నారని అధికారులు తెలిపారు. ఈ ప్రాంతంలో ఉగ్రవాద కదలికల గురించి నిఘా వర్గాల సమాచారం మేరకు భారత సైన్యం, సిఆర్‌పిఎఫ్, జమ్మూ కాశ్మీర్ పోలీసులు సంయుక్తంగా ఈ ఆపరేషన్ నిర్వహిస్తున్నారు. సెర్చ్ ఆపరేషన్ సందర్భంగా ఉగ్రవాదులు భద్రతా సిబ్బందిపై కాల్పులు జరిపిన తర్వాత ఎన్‌కౌంటర్ ప్రారంభమైంది.

శ్రీనగర్ సమీపంలోని దచిగామ్ జాతీయ ఉద్యానవనం లోపల ఉగ్రవాదులు దాక్కున్నారని అధికారులు తెలిపారు. ఆపరేషన్ మహాదేవ్ జరిగిన కొన్ని రోజుల తర్వాత ఈ కాల్పుల ఘటన చోటు చేసుకుంది. ఈ దాడిలో ముగ్గురు పాకిస్తానీ టిఆర్ఎఫ్ ఉగ్రవాదులు హతమయ్యారు.