జమ్మూ కశ్మీర్ లో మరోసారి కలకలం
జమ్మూకశ్మీర్‌లోని కథువా జిల్లాలో మరోసారి తీవ్రవాదులు అలజడి సృష్టించారు. బిల్లావర్ ప్రాంతంలో సోమవారం ఆర్మీ వాహనంపై ఉగ్రవాదులు దాడి చేశారు.
By న్యూస్‌మీటర్ తెలుగు
జమ్మూ కశ్మీర్ లో మరోసారి కలకలం
జమ్మూకశ్మీర్‌లోని కథువా జిల్లాలో మరోసారి తీవ్రవాదులు అలజడి సృష్టించారు. బిల్లావర్ ప్రాంతంలో సోమవారం ఆర్మీ వాహనంపై ఉగ్రవాదులు దాడి చేశారు. ఈ దాడిలో ఇద్దరు ఆర్మీ సిబ్బంది గాయపడగా, వారిని ఆస్పత్రికి తరలించారు. ఆర్మీ సెర్చ్ ఆపరేషన్ తర్వాత ఉగ్రవాదులకు, ఆర్మీ సిబ్బందికి మధ్య కాల్పులు జరుగుతున్నాయని సంబంధిత వర్గాలు తెలిపాయి. ఉగ్రవాదులు కొండపై నుండి ఆర్మీ వాహనంపై కాల్పులు జరిపారు. వారు ఆర్మీ వాహనంపై గ్రెనేడ్లు కూడా విసిరారని సంబంధిత వర్గాలు తెలిపాయి.
జమ్మూ కశ్మీర్‌లోని దోడా జిల్లా జూన్ 11, 12 తేదీల్లో జంట ఉగ్రదాడులతో దద్దరిల్లింది. జూన్ 11న, చత్తర్‌గల్లా వద్ద జాయింట్ చెక్‌పోస్టుపై ఉగ్రవాదులు దాడి చేయడంతో ఆరుగురు భద్రతా సిబ్బంది గాయపడగా, జూన్ 12న గండో ప్రాంతంలోని కోట ఎగువన ఉగ్రవాదులతో జరిగిన కాల్పుల్లో ఒక పోలీసు గాయపడ్డారు. భద్రతా బలగాలు యాంటీ-టెర్రరిస్ట్ కార్యకలాపాలను ముమ్మరం చేశాయి.
