తమిళనాడు సీఎం స్టాలిన్‌కు అస్వస్థత

తమిళనాడు ముఖ్యమంత్రి ఎంకే స్టాలిన్ ఆరోగ్యం ఒక్కసారిగా క్షీణించింది. దీంతో వెంటనే ఆయ‌న‌ను ఆసుపత్రికి తరలించారు. ఆసుప‌త్రిలో వైద్యులు ఆయ‌న‌కు కొన్ని పరీక్షలు చేశారు. ఇందుకు సంబంధించిన రిపోర్టులు రావాల్సివుంది. డాక్టర్ ముఖ్యమంత్రి ఆరోగ్య అప్‌డేట్‌ను పంచుకున్నారు.

ఈ ఉదయం ఈ ఘటన జరిగినట్లు సమాచారం. సీఎం స్టాలిన్ యథావిధిగా మార్నింగ్ వాక్‌కు వెళ్లారు. ఆ స‌మ‌యంలో ఆయ‌న‌కు అకస్మాత్తుగా తల తిరుగుతున్నట్లు అనిపించింది. సీఎం వెంటనే చెన్నైలోని అపోలో ఆస్పత్రిలో చికిత్స పొందుతున్నారు.

అపోలో హాస్పిటల్ మెడికల్ సర్వీసెస్ డైరెక్టర్ డాక్టర్ అనిల్ బిజి ప్రకారం.. సీఎం స్టాలిన్‌కు అవసరమైన రోగనిర్ధారణ పరీక్షలు జరుగుతున్నాయి. నివేదిక వచ్చిన తర్వాతే ఏదైనా చెప్పగలం అన్నారు.