హాస్పిటల్ నుంచి సోనియా గాంధీ డిశ్చార్జ్..ఎలక్షన్ టూర్ రద్దు చేసుకున్న రాహుల్‌!

కాంగ్రెస్ పార్లమెంటరీ బోర్డ్ అధ్యక్షురాలు సోనియా గాంధీ అనారోగ్యం నుండి కోలుకుని మంగళవారం ఉదయం ఢిల్లీలోని సర్ గంగారామ్ ఆసుపత్రి నుంచి డిశ్చార్జ్ అయ్యారు. గత మార్చి 24న జ్వరం, ఇన్ఫెక్షన్ లక్షణాలతో ఆసుపత్రిలో చేరిన ఆమెకు నిపుణులైన వైద్య బృందం యాంటీబయోటిక్స్ ద్వారా చికిత్స అందించింది.

ఆమె ఆరోగ్య పరిస్థితి మెరుగుపడటంతో వైద్యులు ఇంటికి పంపారు, అయితే మరికొన్ని రోజులు విశ్రాంతి తీసుకుంటూ ఫాలో-అప్ చికిత్స కొనసాగించాలని సూచించారు. సోనియా గాంధీ ఆసుపత్రిలో చేరడంతో రాహుల్ గాంధీ తన కేరళ ఎన్నికల ప్రచార పర్యటనను రద్దు చేసుకోగా, ఆయన స్థానంలో మల్లికార్జున ఖర్గే ప్రచారాన్ని ప్రారంభించారు. ప్రియాంక గాంధీ కూడా ఆసుపత్రికి వెళ్లి సోనియాను పరామర్శించారు.

ఈ ఏడాది ఆమె ఆసుపత్రిలో చేరడం ఇది రెండోసారి. కాగా, ఆసుపత్రిలో చేరడానికి ముందే ఆమె ఇరాన్ సుప్రీం లీడర్ ఖమేనీ హత్యపై కేంద్ర ప్రభుత్వం మౌనం వహించడాన్ని తీవ్రంగా విమర్శించారు. ప్రస్తుతం 79 ఏళ్ల వయసున్న సోనియా గాంధీ కాంగ్రెస్ పార్టీలో అత్యంత కీలక నేతగా కొనసాగుతున్నారు.