Saif Ali Khan Attack Case : 'అవును, నేనే దాడి చేశాను'.. నేరాన్ని అంగీకరించిన‌ నిందితుడు

నటుడు సైఫ్ అలీ ఖాన్ ఇంట్లోకి చొరబడి కత్తితో దాడి చేసిన కేసులో ఆదివారం అరెస్టయిన 30 ఏళ్ల బంగ్లాదేశ్ వ్యక్తి "అవును, నేనే చేసాను" అని నేరాన్ని అంగీకరించాడు. పోలీసు వర్గాల సమాచారం ప్రకారం.. ముంబైలోని బాంద్రా ప్రాంతంలోని సైఫ్ ఇంటికి దాదాపు 35 కిలోమీటర్ల దూరంలో ఉన్న థానేలోని కసర్వాడవలిలోని హీరానందానీ ఎస్టేట్ సమీపంలో మహమ్మద్ షరీఫుల్ ఇస్లాం షాజాద్‌ను అరెస్టు చేశారు. గురువారం దాడి తర్వాత ప్రారంభించిన వెతుకులాట‌లో 70 గంటలకు పురోగతి వచ్చింది.

పట్టుబడిన తర్వాత సైఫ్ అలీ ఖాన్‌పై దాడి చేసింది మీరేనా అని సీనియర్ అధికారి షెహజాద్‌ను ప్రశ్నించగా, నిందితుడు "అవును, నేనే చేశాను" అని చెప్పారని ఒక మూలం తెలిపింది. లేబర్ కాంట్రాక్టర్ ఇచ్చిన సమాచారం మేరకు పోలీసులు షాజాద్‌ను అటవీ ప్రాంతంలో ఉన్న లేబర్ క్యాంపులో గుర్తించారు. 100 మంది పోలీసుల బృందం అక్క‌డ‌కు చేరుకుని అతని కోసం వెతకగా.. ఏడు గంటలపాటు జరిగిన సెర్చ్ ఆపరేషన్ తర్వాత అతడిని అరెస్టు చేసినట్లు సంబంధిత వర్గాలు తెలిపాయి.

అంతకుముందు రోజు సీనియర్ పోలీసు అధికారి దీక్షిత్ గెడమ్ విలేకరులతో మాట్లాడుతూ.. షాజాద్ బంగ్లాదేశ్ పౌరుడు. తన వద్ద భారతీయ పత్రాలు లేవని గెడం చెప్పారు. అతని దగ్గర దొరికిన కొన్ని వివ‌రాలు అతను బంగ్లాదేశ్ పౌరుడని చూపిస్తున్నాయి. నిందితుడు గత నాలుగు నెలలుగా ముంబైలో నివసిస్తున్నాడని, అతని పేరును బిజోయ్ దాస్‌గా మార్చుకున్నాడని పోలీసులు తెలిపారు.

సైఫ్ అలీఖాన్ ఉండటం వల్లే కేసు తీవ్రతరం అయిందని డిఫెన్స్ లాయర్ సందీప్ డి షేర్ఖానే అన్నారు. తన క్లయింట్ చాలా సంవత్సరాలుగా దేశంలో నివసిస్తున్నారని.. ముఖ్యమైన పత్రాలు (దేశంలో ఉండటానికి).. అతని కుటుంబం కూడా భారతదేశంలో నివసిస్తుందని షెర్ఖానే వాదించారు. కోర్టు నిందితుడిని ఐదు రోజుల పోలీసు కస్టడీకి పంపింది.

బాంద్రాలోని "సద్గురు శరణ్" భవనంలోని దోపిడీ ప్రయత్నంలో షెహజాద్ ఆరుసార్లు కత్తితో పొడవ‌గా.. 54 ఏళ్ల సైఫ్ తీవ్రంగా గాయపడ్డాడు. సైఫ్ వెన్నుపాము నుండి విరిగిన కత్తి యొక్క 2.5 అంగుళాల భాగాన్ని తొలగించడానికి వైద్యులు శస్త్రచికిత్స చేశారు. కత్తి 2 మిల్లీమీటర్ల లోతుకు చొచ్చుకుపోయి ఉంటే తీవ్ర గాయాలు అయ్యే అవకాశం ఉందని వైద్యులు తెలిపారు.

పోలీసులకు ఇచ్చిన వాంగ్మూలంలో.. నటి కరీనా కపూర్ ఖాన్, తన భర్తపై జరిగిన దాడిని గుర్తుచేసుకుంటూ.. దాడి చేసిన వ్యక్తి సైఫ్‌పై పదేపదే కత్తితో పొడ‌వ‌డం తాను చూశానని చెప్పారు. దాడి చేసిన వ్యక్తి చాలా దూకుడుగా వ్యవహరించాడని చెప్పాడు. అతను సైఫ్‌పై మళ్లీ మళ్లీ దాడి చేయడం నేను చూశానని పేర్కొంది.