ఈడీ విచారణకు హాజరైన రాహుల్ గాంధీ

నేషనల్ హెరాల్డ్ మనీ లాండరింగ్ కేసులో విచారణ నిమిత్తం ఢిల్లీ వీధుల్లో కాంగ్రెస్ భారీ నిరసన కార్యక్రమం చేపట్టింది. ఈ నేపథ్యంలో ఆ పార్టీ నేత రాహుల్ గాంధీ ఈరోజు ఎన్‌ఫోర్స్‌మెంట్ డైరెక్టరేట్ కార్యాలయానికి చేరుకున్నారు. కేంద్ర ప్రభుత్వానికి వ్యతిరేకంగా పార్టీ కార్యకర్తల నినాదాల మధ్య గాంధీ, సోదరి మరియు కాంగ్రెస్ ప్రధాన కార్యదర్శి ప్రియాంక గాంధీ వాద్రాతో కలిసి ఏజెన్సీ కార్యాలయానికి వెళ్లారు. ఈ నిరసన ర్యాలీని ఆపడానికి ఢిల్లీ పోలీసులు భారీ బలగాలను మోహరించారు. కాంగ్రెస్ నేతలు రోడ్లపై కూర్చొని నిరసన కొనసాగించారు.

ఈడీ విచారణకు హాజరుకానున్న నేపథ్యంలో రాహుల్‌కు మద్దతుగా అక్బర్‌ రోడ్‌లోని పార్టీ ప్రధాన కార్యాలయం నుంచి ఈడీ కార్యాలయం వరకు ఆ రోజు భారీ ర్యాలీ నిర్వహించాలని కాంగ్రెస్‌ శ్రేణులు నిర్ణయించాయి. ఈ మేరకు పార్టీ ఎంపీలు, రాజ్యసభ సభ్యులు, సీనియర్‌ నాయకులకు సమాచారం కూడా అందింది. పలు రాష్ట్రాల్లోనూ నిరసన కార్యక్రమాలు నిర్వహించాలని భావిస్తున్నారు. రాహుల్​ గాంధీ కూడా ఈనెల 2నే ఈడీ విచారణకు హాజరుకావాల్సింది. కానీ విదేశాల్లో ఉన్న కారణంగా హాజరు కాలేనని రాహుల్ విజ్ఞప్తి చేసిన నేపథ్యంలో ఈనెల 13న విచారణకు హాజరవ్వాలని ఈడీ తెలిపింది. దీంతో నేడు విచారణకు హాజరయ్యారు రాహుల్​ గాంధీ.