యువతకు కేంద్ర ప్రభుత్వం గుడ్‌న్యూస్‌.. PM ఇంటర్న్‌షిప్ స్కీమ్ రిజిస్ట్రేషన్ గడువు పొడిగింపు
దేశవ్యాప్తంగా యువతకు మరిన్ని ఉద్యోగావకాశాలు కల్పించేందుకు ప్రధానమంత్రి ఇంటర్న్‌షిప్ పథకాన్ని కేంద్ర ప్రభుత్వం ప్రారంభించింది
By Kalasani Durgapraveen Published on 11 Nov 2024 7:40 AM GMT
దేశవ్యాప్తంగా యువతకు మరిన్ని ఉద్యోగావకాశాలు కల్పించేందుకు ప్రధానమంత్రి ఇంటర్న్‌షిప్ పథకాన్ని కేంద్ర ప్రభుత్వం ప్రారంభించింది. దీని ద‌ర‌ఖాస్తుకు చివరి తేదీ నవంబర్ 10గా నిర్ణయించబడింది. కానీ గడువు తేదీలోగా దరఖాస్తు చేసుకోలేకపోయిన అభ్యర్థులకు ప్రభుత్వం మరో అవకాశం కల్పించింది. రిజిస్ట్రేషన్ కోసం చివరి తేదీని 15 నవంబర్ 2024 వరకు పొడిగించబడింది.
దీంతో ఆసక్తి, అర్హత కలిగి దరఖాస్తు చేసుకోని అభ్యర్థులు ఆన్‌లైన్ ద్వారా నిర్ణీత తేదీలోపు దరఖాస్తు ప్రక్రియను పూర్తి చేయాల్సివుంటుంది. ప్రైమ్ మినిస్టర్ ఇంటర్న్‌షిప్ స్కీమ్ 2024 కోసం దరఖాస్తు చేసుకోవ‌డానికి అభ్యర్థులు ఆధార్ కార్డ్ కలిగి ఉండటం తప్పనిసరి. ఆధార్ కార్డుతో పాటు, అభ్యర్థులకు విద్యార్హత పత్రాలు, పాస్‌పోర్ట్ సైజ్ ఫోటో అవసరం.
PM ఇంటర్న్‌షిప్ స్కీమ్ ఆన్‌లైన్ ఫారమ్‌ను పూరించడానికి, ముందుగా మీరు అధికారిక వెబ్‌సైట్‌కి వెళ్లాలి. ఇక్కడ మీరు మొదట రిజిస్టర్ లింక్‌పై క్లిక్ చేసి అవసరమైన వివరాలను పూరించడం ద్వారా నమోదు చేసుకోవాలి. రిజిస్ట్రేషన్ తర్వాత.. అడిగిన ఇతర వివరాలను ఫారమ్‌లో అప్‌లోడ్ చేయాలి.
చివరగా పూర్తిగా నింపిన ఫారమ్‌ను సమర్పించండి, ఈ విధంగా ఈ పథకం కోసం మీ రిజిస్ట్రేషన్ పూర్తవుతుంది.
ఈ పథకానికి దరఖాస్తు చేసుకునే అభ్యర్థి పూర్తి సమయం ఉద్యోగంలో లేదా విద్యలో ఉండ‌కూడదు. అభ్యర్థి వయస్సు 21 నుండి 24 సంవత్సరాల మధ్య ఉండాలి. ఇంటి నుండి దూరంగా ఉండి చదువుతున్న విద్యార్థులు ఇంటర్న్‌షిప్ ప్రోగ్రామ్‌కు అర్హులు. ఇది కాకుండా కుటుంబ ఆదాయం సంవత్సరానికి రూ. 8 లక్షల కంటే ఎక్కువ ఉన్న వ్యక్తులు లేదా వారి కుటుంబంలో ఎవరైనా ప్రభుత్వ ఉద్యోగం చేస్తున్నవారు లేదా అభ్యర్థి IIT, IIM, IIIT, IISER, NID, IIIT, NLU వంటి సంస్థలలో చదివిన వారు దీనికి దరఖాస్తు చేసుకునేందుకు అర్హత లేదు.
ఈ పథకంలో ఎంపికైన అభ్యర్థులకు కేంద్ర ప్రభుత్వం నుండి రూ. 4500 మరియు వారి కార్పొరేట్ సామాజిక బాధ్యత (CSR) ఫండ్ నుండి రూ. 500 ఇవ్వబడుతుంది. ఈ విధంగా నెలకు రూ.5 వేలు ఉపకార వేతనం అందించబడుతుంది. పథకానికి సంబంధించిన మరిన్ని వివరాలను అధికారిక వెబ్‌సైట్ నుండి పొందవచ్చు.
