పీఎం కిసాన్ డబ్బులు వచ్చేశాయి... రైతన్నలు ఇలా చెక్ చేసుకోండి
PM kisan money deposited in bank accounts... Farmers check like this. పీఎం కిసాన్ పథకం లబ్ధిదారులకు గుడ్‌ న్యూస్‌ 10 కోట్ల మంది రైతులకు ప్రయోజనం చేకూర్చే 12వ విడత పిఎం కిసాన్
By అంజి Published on 17 Oct 2022 8:04 AM GMT
పీఎం కిసాన్ పథకం లబ్ధిదారులకు గుడ్‌ న్యూస్‌ 10 కోట్ల మంది రైతులకు ప్రయోజనం చేకూర్చే 12వ విడత పిఎం కిసాన్ సమ్మాన్ నిధి ( పిఎం- కిసాన్ ) పథకం కింద ప్రత్యక్ష ప్రయోజన బదిలీ ద్వారా ప్రభుత్వం సోమవారం రూ. 16,000 కోట్లను విడుదల చేసింది. న్యూ ఢిల్లీలో భారత వ్యవసాయ పరిశోధనా సంస్థలో "పిఎం కిసాన్ సమ్మాన్ సమ్మేళన్ 2022" ప్రారంభోత్సవం సందర్భంగా ప్రధాని నరేంద్ర మోడీ 12 విడుత డబ్బులను విడుదల చేశారు. ఈరోజు ప్రారంభించిన 'ఒక దేశం, ఒకే ఎరువులు' పథకం ద్వారా రైతులకు చౌకగా, నాణ్యమైన పంట పోషకాలు లభిస్తాయని ప్రధాని మోదీ అన్నారు.
దీపావళి పండుగకు ముందుగానే పీఎం కిసాన్ నిధులు విడుదల అవుతాయని వార్తలు వచ్చాయి. అందరూ అనుకున్నట్టుగానే కేంద్ర సర్కార్‌.. దీపావళి కన్నా ముందే రైతుల ఖాతాల్లో డబ్బులు జమ చేసింది. పీఎం కిసాన్ సమ్మాన్ సమ్మేళన్ కార్యక్రమంలో ప్రధాని మోదీ ఏకంగా 8,00,15,935 రైతులకు రూ.16000 కోట్లకు పైగా బదిలీ చేశారు. అర్హులైన రైతు కుటుంబాలకు రూ. 6000లను సంవత్సరానికి మూడు సమాన వాయిదాల పద్ధతిలో ప్రభుత్వం ఇస్తోంది. ఇప్పటి వరకు అర్హులైన రైతు కుటుంబాలు రూ. పీఎం-కిసాన్ కింద 2 లక్షల కోట్లు విడుదల చేశారు.
పిఎం కిసాన్ పథకాన్ని 2019లో పిఎం నరేంద్ర మోడీ ప్రారంభించారు. కొన్ని మినహాయింపులకు లోబడి, సాగు భూమితో దేశవ్యాప్తంగా ఉన్న అన్ని భూస్వామ్య రైతు కుటుంబాలకు ఆదాయ మద్దతును అందించడం లక్ష్యంగా పెట్టుకుంది.
ఇలా చెక్ చేసుకోండి..
ఇందుకోసం ముందుగా pmkisan.gov.in వెబ్‌సైట్ ఓపెన్ చేయాలి.
Farmers Corner సెక్షన్‌లో Beneficiary Status ట్యాబ్ పైన క్లిక్ చేయాలి.
నేరుగా https://pmkisan.gov.in/BeneficiaryStatus.aspx లింక్ ఓపెన్ చేయొచ్చు.
ఆ తర్వాత ఆధార్ నెంబర్, పీఎం కిసాన్ అకౌంట్ నెంబర్ లేదా రిజిస్టర్డ్ మొబైల్ నెంబర్ ఎంటర్ చేసి Get Data పైన క్లిక్ చేయాలి.
వివరాలు స్క్రీన్ పైన కనిపిస్తాయి. వివరాలన్నీ సరిగ్గా చెక్ చేయాలి.
ఒకవేళ మీ అకౌంట్‌లో డబ్బులు జమ అయినట్టు కనిపించకపోతే కంప్లైంట్ రిజిస్టర్ చేయొచ్చు.
