మా పిల్లల ప్రాణాలతో ఆడకండి..ఢిల్లీలో గాలి నాణ్యతపై తల్లిదండ్రుల నిరసన

న్యూఢిల్లీ: దేశ రాజధాని ఢిల్లీలో గాలి కాలుష్యం మళ్ళీ ప్రమాదకర స్థాయికి చేరింది. దట్టమైన పొగమంచు — కాలుష్యపు దుమ్ము నగరాన్ని కమ్మేసింది. ఉష్ణోగ్రతలు కూడా సాధారణం కంటే తక్కువకు పడిపోవడంతో ఉదయం, రాత్రి తీవ్ర చలితో పాటు దమ్ము, శ్వాస ఇబ్బందులు పెరిగాయి. సెంట్రల్ పొల్యూషన్ కంట్రోల్ బోర్డ్ (CPCB) తాజా డేటా ప్రకారం, సోమవారం ఉదయం 7 గంటలకు ఢిల్లీలో AQI 354 వద్ద నమోదైంది, ఇది “Very Poor” (అత్యంత అధ్వాన్నం) వర్గంలోకి వస్తుంది. ఆదివారం AQI 390 గా ఉండగా, కొద్దిగా మెరుగుదల కనిపించినప్పటికీ పరిస్థితి ఇంకా అత్యంత ప్రమాదకరంగానే కొనసాగుతోంది.

ఎయిర్ క్వాలిటీ ఎర్లీ వార్నింగ్ సిస్టమ్ ప్రకారం, వచ్చే కొన్ని రోజుల్లో కూడా ఢిల్లీలో గాలి నాణ్యత “Very Poor” కేటగిరీలోనే ఉండే అవకాశం ఉంది. డీవాలీ తర్వాత ఢిల్లీలో గాలి నాణ్యత నిరంతరం “Poor” నుండి “Very Poor” వరకు మారుతూ, కొన్ని సార్లు “Severe” స్థాయికి కూడా పడిపోతోంది. దీంతో ఆదివారం సాయంత్రం ఇండియా గేట్ వద్ద పిల్లలు, తల్లిదండ్రులు, పర్యావరణ కార్యకర్తలు భారీ స్థాయిలో నిరసన చేపట్టారు. “టాక్సిక్ గాలిని ఆపడానికి ప్రభుత్వం వెంటనే చర్యలు తీసుకోవాలి.”పోలీసులు అనుమతి లేకుండా ప్రదర్శన నిర్వహించినందుకు కొందరిని అదుపులోకి తీసుకున్నారు.

ప్రధాన మానిటరింగ్ స్టేషన్లలో AQI: ఆనంద్ విహార్ — 379, ఐటీఓ — 376, చాంద్ని చౌక్ — 360, ఓఖ్లా ఫేజ్-2 — 348, జవహర్లాల్ నెహ్రూ స్టేడియం — 316, IGI ఎయిర్‌పోర్ట్ (T3) — 305

పక్క నగరాల పరిస్థితి: నోయిడా: AQI 325–342, గ్రేటర్ నోయిడా: AQI 314–316, గురుగ్రామ్ (సెక్టార్ 51): AQI 327, ఫరీదాబాద్: 230–238 (కాస్త మెరుగైన స్థాయి)

ఉష్ణోగ్రతలు: గరిష్టం: 28.1°C (సాధారణం కంటే 1.4°C తక్కువ), కనిష్టం: 11.7°C, ఈ సీజన్‌లో అతి తక్కువ ఉష్ణోగ్రత శనివారం నమోదైంది — 11°C