ఢిల్లీ పేలుడు కేసు నిందితుల రిమాండ్ పొడిగింపు

ఎర్రకోట ఉగ్రదాడి కేసులో నలుగురు నిందితుల కస్టడీని ఎన్ఐఏ ప్రత్యేక కోర్టు పది రోజులు పొడిగించింది. ఎర్రకోట గ్రెనేడ్ దాడిలో నలుగురు ప్రధాన నిందితులైన డాక్టర్ ముజమ్మిల్ షకీల్ గనై, డాక్టర్ ఆదిల్ అహ్మద్ రాథర్, డాక్టర్ షాహీన్ సయీద్ మరియు ఇర్ఫాన్ అహ్మద్ వేగేల‌ను శనివారం ఢిల్లీలోని పాటియాలా హౌస్ కోర్టులో హాజరుపరిచారు. నిందితుల‌ 10 రోజుల NIA రిమాండ్ నేటితో ముగిసింది. దీంతో నలుగురు నిందితుల కస్టడీ పొడిగింపుపై కోర్టు తాజాగా నిర్ణయం తీసుకుంది. తదుపరి విచారణ కోసం ఎన్ఐఏ రిమాండ్ కోరగా.. విచారణ అనంతరం నిర్ణయం వెలువరించింది.

నవంబర్ 10న ఢిల్లీలోని ఎర్రకోట మెట్రో స్టేషన్ సమీపంలో జరిగిన పేలుడు ఘటనలో నలుగురు ప్రధాన నిందితులను జాతీయ దర్యాప్తు సంస్థ (ఎన్‌ఐఏ) అదుపులోకి తీసుకుంది. NIA ప్రకారం.. ఈ నలుగురు నిందితులను పాటియాలా హౌస్ కోర్టులోని జిల్లా సెషన్స్ జడ్జి ప్రొడక్షన్ వారెంట్‌పై జమ్మూ కాశ్మీర్‌లోని శ్రీనగర్‌లో అదుపులోకి తీసుకున్నారు. ఈ నలుగురు నిందితులను ఎన్‌ఐఏ గత పది రోజులుగా రిమాండ్‌లో ఉంచింది.

నలుగురు నిందితుల్లో డాక్టర్ ముజమ్మిల్ షకీల్ గనాయ్ (పుల్వామా, జమ్మూ మరియు కాశ్మీర్), డాక్టర్ ఆదిల్ అహ్మద్ రాథర్ (అనంతనాగ్, జమ్మూ కాశ్మీర్), డాక్టర్ షాహీన్ సయీద్ (లక్నో, ఉత్తరప్రదేశ్), ముఫ్తీ ఇర్ఫాన్ అహ్మద్ వాగే (షోపియన్, జమ్మూ కాశ్మీర్) ఉన్నారు.

NIA ప్రాథమిక దర్యాప్తు ప్రకారం.. ఈ నిందితులందరూ ఢిల్లీలో జరిగిన ఉగ్రవాద దాడిని ప్లాన్ చేసి అమలు చేయడంలో ముఖ్యమైన పాత్ర పోషించారు. ఈ దాడిలో చాలా మంది అమాయకులు మరణించారు. కొంత‌ మందికి తీవ్ర గాయాలయ్యాయి.