డిసెంబర్ 1 నుంచి కొత్త రూల్స్..!

సోమవారం నుంచి కొత్త మాసం ప్రారంభం కానుంది. డిసెంబర్ 1 నుండి దేశంలో కొన్ని మార్పులు జరగనున్నాయి. ఆ మార్పులు సామాన్యుడి జేబును ప్రభావితం చేయ‌నున్నాయి. ఈ మార్పుల గురించి తెలుసుకుందాం..

ఎల్పీజీ సిలిండర్ ధరలు

చమురు కంపెనీలు ఎల్పీజీ గ్యాస్ సిలిండర్ల ధరలను ప్రతి నెల మొదటి తేదీన విడుదల చేస్తాయి. వాటి ధరలు మారనున్నాయి. గత నెలలో సిలిండర్ ధర రూ.6.50 తగ్గింది. మరి డిసెంబరులో సిలిండర్ ధరలు ఎంత వరకు మారతాయో చూడాలి.

ఆధార్ సంబంధిత నియమాలు

ఆధార్ కార్డు నిబంధనలలో కూడా మార్పు రానుంది. ఆధార్ కార్డును డిసెంబర్ 1 నుండి సులభంగా అప్‌డేట్ చేసుకోవచ్చు. పేరు, చిరునామా, పుట్టిన తేదీ, మొబైల్ నంబర్ వంటి సమాచారాన్ని ఆన్‌లైన్‌లో అప్‌డేట్ చేయవచ్చు. ఈ అప్‌డేట్ ప్రక్రియలో పాన్ కార్డ్ లేదా పాస్‌పోర్ట్ వంటి ప్రభుత్వ రికార్డుల నుండి డేటాను ధృవీకరించవచ్చు. UIDAI కూడా కొత్త ఆధార్ యాప్‌ని లాంచ్ చేసింది.

UPS చివరి తేదీ

యూనిఫైడ్ పెన్షన్ స్కీమ్ అంటే UPS గడువు సెప్టెంబర్ 30 నుండి నవంబర్ 30 వరకు పొడిగించబడింది. ప్రభుత్వ ఉద్యోగులు నవంబర్ 30 వరకు UPS లేదా NPS ను ఎంచుకోవచ్చు.

పెట్రోల్, డీజిల్ ధరల్లో మార్పు

ఎల్‌పిజి సిలిండర్‌ల మాదిరిగానే.. చమురు కంపెనీలు కూడా ప్రతి నెలా పెట్రోల్, డీజిల్ ధరలను సమీక్షిస్తాయి. అయితే, ఈ ధరలు ప్రతిరోజూ మారవచ్చు. వీటి ధరలు ప్రపంచ మార్కెట్ ట్రెండ్స్, కరెన్సీలపై ఆధారపడి ఉంటాయి. డిసెంబర్ 1 నుంచి ధరల్లో మార్పు వస్తే సామాన్యుల జేబుపైనా ప్రభావం పడుతుంది.

జీవిత ధృవీకరణ పత్రం

పదవీ విరమణ చేసిన ప్రభుత్వ ఉద్యోగులు తమ పెన్షన్ కొనసాగించడానికి లైఫ్ సర్టిఫికేట్ అవసరం. దీన్ని సమర్పించడానికి చివరి తేదీ నవంబర్ 30. దాని గడువు పొడిగించబడకపోతే.. సర్టిఫికేట్ ఇంకా సమర్పించకపోతే, అప్పుడు పెన్షనర్ల పెన్షన్ నిలిపివేసే అవ‌కాశం ఉంటుంది.