అది నా పర్సనల్: కంగనా

వ్యవసాయ చట్టాలపై నటి, బీజేపీ ఎంపీ కంగనా రనౌత్ చేసిన వ్యాఖ్యలపై ఆమె పార్టీ నుండి కూడా ఎదురుదెబ్బ తగిలింది. పలువురు నేతలు కంగనా వ్యాఖ్యలపై విమర్శలు గుప్పించారు. ఆమె చేసిన వ్యాఖ్యలను ఎవరూ సమర్థించలేదు. కంగనా రనౌత్ తన అభిప్రాయాలు వ్యక్తిగతమని, పార్టీ వైఖరికి ప్రాతినిధ్యం వహించవని స్పష్టం చేశారు.

ఖచ్చితంగా, రైతుల చట్టాలపై నా అభిప్రాయాలు వ్యక్తిగతమైనవి, ఆ బిల్లులపై పార్టీ వైఖరికి ప్రాతినిధ్యం వహించవని కంగనా సోషల్ మీడియా ప్లాట్‌ఫారమ్ X లో రాశారు. “కేంద్ర ప్రభుత్వం ఉపసంహరించుకున్న వ్యవసాయ బిల్లులపై కంగనా చేసిన ప్రకటన సోషల్ మీడియా ప్లాట్‌ఫామ్‌లలో వైరల్ అవుతోంది. ఇది ఆమె ప్రకటన మాత్రమే అని నేను స్పష్టం చేయాలనుకుంటున్నాను. కంగనా రనౌత్‌కు బీజేపీ తరపున అటువంటి ప్రకటన చేయడానికి అధికారం లేదు. ఇది వ్యవసాయ బిల్లులపై బీజేపీ అభిప్రాయం కాదు. ఆమె చేసిన ఈ ప్రకటనను మేము అంగీకరించము” అని బీజేపీ నాయకుడు గౌరవ్ భాటియా చెప్పారు. ఈ పోస్ట్ రీట్వీట్ చేసిన కంగనా రైతుల చట్టాలపై వ్యాఖ్యలు తన వ్యక్తిగతమైనవని చెప్పుకొచ్చింది.

గత నెలలో వ్యవసాయ చట్టాలకు వ్యతిరేకంగా జరిగిన ఆందోళన భారతదేశంలో బంగ్లాదేశ్ లాంటి పరిస్థితికి దారితీసే అవకాశం ఉందని కంగనా చేసిన వ్యాఖ్యలపై బీజేపీ ఆమెను హెచ్చరించింది.