వర్షం వచ్చింది.. 107 సంవత్సరాల రికార్డు తుడిచిపెట్టుకుపోయింది

దేశ ఆర్థిక రాజధాని ముంబైను వర్షం అతలాకుతలం చేసింది. భారీ వర్షాలు ముంచెత్తుతున్న నేపథ్యంలో, గత 25 సంవత్సరాలలో తొలిసారిగా రుతుపవనాలు మే నెలలోనే ప్రవేశించాయి. మే నెలలో కురిసిన వర్షపాతం నగరానికి సంబంధించిన 107 సంవత్సరాల రికార్డును బద్దలు కొట్టింది. సోమవారం ఉదయం నగరంలో భారీ వర్షాలు కురిశాయి, దీనివల్ల ట్రాఫిక్ సమస్యలు, రోడ్లంతా జలమయం అయ్యాయి. స్థానిక రైళ్ల రద్దుతో రోజువారీ జీవితానికి అంతరాయం ఏర్పడింది.

నైరుతి రుతుపవనాలు ముంబైకి చేరుకున్నాయి, గత 25 సంవత్సరాలలో నగరంలో తొలిసారిగా మే నెలలోనే వర్షాలు ప్రారంభమైనట్లు భారత వాతావరణ శాఖ (IMD) తెలిపింది. శనివారం కేరళను తాకిన రుతుపవనాలు ముందుకు సాగుతున్న నేపథ్యంలో ముంబై నగరంలో ఉరుములతో కూడిన వర్షాలు కురుస్తున్న నేపథ్యంలో రెడ్ అలర్ట్ జారీ చేశారు. ముఖ్యంగా, భారత వాతావరణ శాఖ (IMD) సోమవారం ఉదయం ఎల్లో అలర్ట్ జారీ చేసింది. వర్షపాతం కారణంగా విస్తృతంగా నీరు నిలిచిపోవడంతో రవాణా, విమాన కార్యకలాపాలకు అంతరాయం కలిగింది, 250 కి పైగా విమానాలు ప్రభావితమయ్యాయి. కుర్లా, సియోన్, దాదర్, పరేల్‌తో సహా అనేక లోతట్టు ప్రాంతాలు తీవ్రంగా ప్రభావితమయ్యాయి.