మధ్యప్రదేశ్‌ పాఠశాలల్లో.. తెలుగు బోధనకు ప్రభుత్వం నిర్ణయం

మధ్యప్రదేశ్ పాఠశాల విద్యా మంత్రి ఇందర్ సింగ్ పర్మార్ సోమవారం ఒక ప్రధాన నిర్ణయం తీసుకున్నారు. రాష్ట్రంలోని పాఠశాలల్లో ఇప్పటికే ఉన్న హిందీ, ఇంగ్లీషుతో పాటు తెలుగు, మరాఠీ, పంజాబీలను బోధిస్తామని సోమవారం ప్రకటించారు. మధ్యప్రదేశ్‌కు చెందిన విద్యార్థులు ఇతర రాష్ట్రాల భాషలతో పరిచయం పెంచుకోవడంలో సహాయపడటం, ఆ రాష్ట్రాలలో భవిష్యత్తులో ప్రవేశించేందుకు వారిని సిద్ధం చేయడం ఈ చర్య యొక్క లక్ష్యం అని ఆయన చెప్పారు. "భారతదేశంలో ఇతర రాష్ట్రాల భాషలను బోధించే ఈ ప్రయోగాన్ని నిర్వహించే మొదటి రాష్ట్రంగా మధ్యప్రదేశ్ అవతరిస్తుంది" అని పర్మార్ చెప్పారు.

"మధ్యప్రదేశ్‌కు చెందిన ఒక విద్యార్థికి తమిళం తెలిస్తే, అది చాలా ఉపయోగకరంగా ఉంటుంది. అతను తమిళనాడుకు వెళితే, హిందీ మాట్లాడేవారు తమ భాషను గౌరవిస్తారని, ఇతర భాషలలో కూడా సంభాషించగలరని తమిళనాడులోని ప్రజలు విశ్వసిస్తారు. సహజంగానే, వారికి హిందీ పట్ల గౌరవం పెరుగుతుంది, హిందీపై వ్యతిరేకత అంతమవుతుందన్నారు. ఈ కార్యక్రమాన్ని ప్రారంభించడానికి 52 జిల్లాల్లో 53 పాఠశాలలను ఎంచుకున్నారు. ఈ 53 పాఠశాలల్లో దేశంలోని వివిధ ప్రాంతాల్లో మాట్లాడే భాషలను బోధించనున్నారు.

''స్వాతంత్య్రం వచ్చిన వెంటనే రాజ్యాంగం మనకు హక్కును కల్పించినప్పటికీ, ఇన్ని సౌకర్యాలతో చదువుకోవడానికి 75 ఏళ్లు ఎందుకు వేచి ఉండాల్సి వచ్చిందో మన రాష్ట్రంలోని కుమారులు, కుమార్తెలు ఆలోచించవలసి వస్తుంది. "అని పర్మార్ అన్నారు. కొత్త భాష కోసం ఎంపిక చేయబడిన పాఠశాలలు. పాఠ్యప్రణాళిక అందరికీ విద్య పథకం కింద ఓపెన్ బోర్డు విధానంలో పని చేస్తుంది.