భార్య రెండో పెళ్లి.. తట్టుకోలేక పెట్రోల్ పోసుకుని నిప్పంటించుకున్నాడు
తన భార్య విడాకులు తీసుకోకుండా వేరే వ్యక్తిని వివాహం చేసుకున్నందుకు మనస్తాపం చెంది పోలీస్ స్టేషన్ ముందు నిప్పంటించుకోవడానికి ప్రయత్నించాడు.
By అంజి Published on 7 March 2025 12:03 PM IST
భార్య రెండో పెళ్లి చేసుకుందని.. పెట్రోల్ పోసి నిప్పంటించుకున్న భర్త
మహారాష్ట్రలోని కొల్హాపూర్‌కు చెందిన ఒక వ్యక్తి తన భార్య విడాకులు తీసుకోకుండా వేరే వ్యక్తిని వివాహం చేసుకున్నందుకు మనస్తాపం చెంది పోలీస్ స్టేషన్ ముందు నిప్పంటించుకోవడానికి ప్రయత్నించాడు. రెండు వర్గాల మధ్య జరిగిన వివాదం నేపథ్యంలో శేఖర్ గైక్వాడ్ తన భార్య, ఆమె కుటుంబంపై ఫిర్యాదు చేయడానికి శివాజీనగర్ పోలీస్ స్టేషన్‌కు వచ్చినప్పుడు ఈ సంఘటన జరిగింది.
న్యాయం కోసం వేడుకున్న తర్వాత, మనస్తాపం చెందిన గైక్వాడ్ స్టేషన్ నుండి బయటకు వెళ్లి తన మీద పెట్రోల్ పోసుకుని నిప్పంటించుకున్నాడు. స్టేషన్ ఆవరణలో పోలీసు సిబ్బంది సకాలంలో జోక్యం చేసుకోవడం వల్ల ఆ వ్యక్తి ప్రాణాలతో బయటపడ్డాడు. అయితే, ఫలితంగా అతనికి 60 శాతం కాలిన గాయాలు అయ్యాయి. గైక్వాడ్ ప్రస్తుతం కొల్హాపూర్ ప్రభుత్వ ఆసుపత్రిలో చికిత్స కోసం చేరాడు. అతడి పరిస్థితి విషమంగా ఉంది.
