రెండ్రోజుల భూటాన్ పర్యటనకు వెళ్లిన ప్రధాని మోదీ

దేశ ప్రధాని నరేంద్ర మోదీ ఇవాళ, రేపు భూటాన్‌లో పర్యటించనున్నారు. ఈ నేపథ్యంలో ఆయన మీడియాకు ఇచ్చిన ప్రకటనలో భూటాన్‌తో భారతకు ఉన్న సాంస్కృతిక, ఆధ్యాత్మిక, అభివృద్ధి సంబంధాల ప్రాముఖ్యతను వివరించారు.

మోదీ మాట్లాడుతూ, భూటాన్ ప్రజలతో కలిసి భూటాన్ నాలుగో రాజు మహారాజు జిగ్మే సింగే వాంగ్‌చుక్ 70వ జయంతి వేడుకల్లో పాల్గొనడం తనకు గౌరవంగా భావిస్తున్నట్లు తెలిపారు. భారతదేశం నుంచి తీసుకువెళుతున్న పవిత్ర పిప్రహ్వ బుద్ధ అవశేషాలను గ్లోబల్ పీస్ ప్రార్థన మహోత్సవంలో ప్రదర్శించడం ఇరు దేశాల నాగరికతల మధ్య ఉన్న లోతైన ఆధ్యాత్మిక అనుబంధాన్ని ప్రతిబింబిస్తుందని ఆయన అన్నారు.

ఈ పర్యటనలో భాగంగా పున్‌త్సాంగ్‌చు–II జలవిద్యుత్ ప్రాజెక్టును ప్రారంభించడం ఇరు దేశాల శక్తి భాగస్వామ్యంలో మరో ముఖ్యమైన మైలురాయిగా నిలుస్తుందని మోదీ పేర్కొన్నారు. భూటాన్ రాజు, మాజీ రాజు మరియు ప్రధానమంత్రి షెరింగ్ టోబ్గేతో సమావేశమై ఇరు దేశాల సంబంధాలను మరింత బలోపేతం చేయడంపై చర్చించనున్నట్లు ప్రధాని తెలిపారు.

భారత–భూటాన్ సంబంధాలు పరస్పర విశ్వాసం, సహకారం, సాన్నిహిత్యాలపై ఆధారపడి ఉన్నాయని, ‘పరస్పర ప్రగతి’ లక్ష్యంతో భారత ‘ప్రక్కన ఉన్న దేశాల ముందుగానే’ (Neighbourhood First) విధానంలో భూటాన్ కీలక భాగస్వామి అని ప్రధాని మోదీ చెప్పారు. ఆయన పర్యటన ఇరు దేశాల స్నేహ బంధాలను మరింత బలపరుస్తుందని విశ్వాసం వ్యక్తం చేశారు.