సైఫ్‌పై దాడికి పాల్పడింది అత‌డే.. ధృవీకరించిన పోలీసులు

సైఫ్ అలీఖాన్‌పై దాడి కేసులో కొత్త అప్‌డేట్ వెలుగులోకి వచ్చింది. నటుడు సైఫ్ అలీఖాన్‌ను కత్తితో పొడిచిన నిందితుడు మహ్మద్ షరీఫుల్ ఇస్లామే నేరస్థలంలో సీసీటీవీ ఫుటేజీలో కనిపించిన వ్యక్తి అని పోలీసులు ఈరోజు ధృవీకరించారు. సీసీటీవీ ఫుటేజీతో నిందితుడి ముఖం సరిపోలడం(ఫేషియల్ ఐడెంటిఫికేషన్)తో షరీఫుల్ సైఫ్ దాడికి పాల్పడ్డాడని తేలింది

షరీఫుల్ జనవరి 16 తెల్లవారుజామున 1.30 నుండి 2 గంటల సమయంలో సైఫ్ అలీఖాన్ భవనంలోని 12వ అంతస్తుకు చేరుకున్నాడు. దొంగతనం చేయాలనే ఉద్దేశంతో ఇంట్లోకి ప్రవేశించి పిల్లల గదికి చేరుకున్నట్లు రిపోర్టులు చెబుతున్నాయి. పిల్లల పనిమనిషి అతన్ని మొదట‌ చూసి అరిచింది. శబ్దం విని, సైఫ్ కూడా తన గది నుండి బయటకు వచ్చి ఆ వ్యక్తిని ప్రశ్నించడం ప్రారంభించాడు. జోక్యం చేసుకునే ప్రయత్నంలో సైఫ్‌పై ఆ వ్యక్తి కత్తితో దాడి చేశాడు.

సైఫ్‌ను ముంబైలోని లీలావతి ఆసుపత్రిలో చేర్చారు. అక్కడ వైద్యులు ఆయ‌న‌కు హడావుడిగా శస్త్రచికిత్స చేశారు. కత్తి గాయం చాలా లోతుగా ఉంది. అతని వెన్నుపాముకు చాలా దగ్గరగా గాయం ఉంది. అక్కడ నుంచి ద్రవం రావడంతో కత్తి సగం అందులో మునిగిపోయింది. ఐదు రోజుల పాటు ఆసుపత్రిలో ఉన్న ఆయనను డిశ్చార్జి చేశారు.

బంగ్లాదేశ్‌కు చెందిన షరీఫుల్ ఇస్లామ్‌ను జనవరి 19న థానేలో అరెస్టు చేశారు. సీసీటీవీ ఫుటేజీతో ఫేషియల్ ఐడెంటిఫికేషన్ స‌రిపోలింది.. అలాగే నేరం చేసే సమయంలో నిందితుడు ధరించిన దుస్తులు, ఆయుధాలు, నేరానికి ఉపయోగించిన కత్తి, టవల్, బ్యాగ్‌ని రసాయన పరీక్షల నిమిత్తం పోలీసులు ఫోరెన్సిక్ ల్యాబ్‌కు పంపారు.

ఇది కాకుండా షరీఫుల్ బంగ్లాదేశ్ నుండి అక్రమంగా భారతదేశంలోకి ప్రవేశించడానికి సహాయం చేసిన వ్యక్తుల కోసం కూడా పోలీసులు వెతుకుతున్నారు. పోలీసులు తెలిపిన వివరాల ప్రకారం.. నిందితుడు భారతదేశంలోకి ప్రవేశించిన తర్వాత తన పేరును మహ్మద్ షరీఫుల్ ఇస్లాం షాజాద్ నుంచి 'బిజోయ్ దాస్'గా మార్చుకున్నాడు.