దేశంలో అల్లర్లు మొదలైతే మోదీదే బాధ్యత: ఓవైసీ

ముస్లింలపై ప్రధాని మోదీ ద్వేషాన్ని వ్యాప్తి చేస్తున్నారు అంటూ ఎంఐఎం చీఫ్‌ అసదుద్దీన్‌ ఒవైసీ తాజాగా ఆగ్రహం వ్యక్తం చేశారు. ముస్లింలపై ప్రధాని నరేంద్ర మోదీ చేసిన ప్రకటనను హైదరాబాద్‌ నియోజకవర్గ అభ్యర్థి అసదుద్దీన్‌ ఒవైసీ ప్రశ్నించారు. మోదీ హామీ ఒక్కటేనని, అది ముస్లింలను ద్వేషించడమేనని అన్నారు.

''ముస్లింలపై ద్వేషమేనా మోదీ గ్యారంటీ? 2002 నుంచి ఆయన ఇదే చేస్తున్నారు. రేపు దేశంలో అల్లర్లు మొదలైతే కచ్చితంగా ప్రధానే బాధ్యత వహించాలి. దేశంలో 17 కోట్ల మంది ముస్లింలు ఉన్నారు. వారికి కూడా ఆయనే ప్రధాని. ఈ విధంగా ముస్లింలను ద్వేషించడం దారుణం'' అని ఓవైసీ వ్యాఖ్యానించారు. అసదుద్దీన్ ఒవైసీ బుధవారం బీహార్‌లోని కిషన్‌గంజ్‌లోని బెల్వా గ్రామంలో మాట్లాడారు.

2004 నుండి హైదరాబాద్ నుండి ఎన్నికైన ప్రజాప్రతినిధిగా నాలుగు పర్యాయాలు లోక్‌సభకు పనిచేసిన ఒవైసీ, గతంలో అవిభక్త ఆంధ్రప్రదేశ్‌లో రెండుసార్లు ఎమ్మెల్యేగా ఎన్నికయ్యారు. 1984 నుండి, ఒవైసీ కుటుంబం లేదా అతని మద్దతు ఉన్న అభ్యర్థులు హైదరాబాద్ నుండి ఎన్నికయ్యారు, ఒవైసీ ప్రస్తుతం ప్రతిష్టాత్మక హైదరాబాద్‌ స్థానం నుండి లోక్‌సభ సభ్యునిగా పనిచేస్తున్నారు.

ఏప్రిల్ 23న రాజస్థాన్‌లో ప్రధాని నరేంద్ర మోదీ, 2004లో ఆంధ్రప్రదేశ్‌లో రాజ్యాంగాన్ని విస్మరిస్తూ షెడ్యూల్డ్ కులాల (ఎస్సీ), షెడ్యూల్డ్ తెగల (ఎస్టీ) రిజర్వేషన్లను తగ్గించడం ద్వారా ముస్లింలకు రిజర్వేషన్లు కల్పించేందుకు కాంగ్రెస్ ప్రయత్నించిందని ఆరోపించారు.