కోవిడ్‌-19 వ్యాక్సిన్‌ స్టోర్‌ చేసుకునే సరికొత్త ఫ్రీజర్‌.. హైదరాబాద్‌లో ఏర్పాటు.. దీని ప్రత్యేకత ఏమిటంటే..

Hyderabad-based firm unveils vaccine freezer. కరోనా వ్యాక్సిన్‌ నిల్వ చేసుకునేందుకు ఫ్రీజర్‌ను హైదరాబాద్‌లో ప్రారంభించారు.

By Medi Samrat  Published on  6 March 2021 6:34 AM GMT
Hyderabad-based firm unveils vaccine freezer

కరోనా వ్యాక్సిన్‌ నిల్వ చేసుకునేందుకు ఫ్రీజర్‌ను హైదరాబాద్‌లో ప్రారంభించారు. గాలి, సౌరశక్తి రెండింటి హైబ్రిడ్‌ పునరుత్పాదక ఇంధన వనరుపై పనిచేస్తుంది. చిల్లర్ మిల్ అనే పేరుతో విడుదల చేస్తున్నామని కోల్డ్ చైన్ వస్తువులను తయారు చేసే సంస్థ రాక్‌వెల్ ఇండస్ట్రీస్ లిమిటెడ్ వెల్లడించింది. ఈ కొత్త ఫ్రీజర్ COVID-19 వ్యాక్సిన్‌ను అవసరమైన ఉష్ణోగ్రతలలో నిల్వ చేయడానికి ఉపయోగిస్తారు.


ఈ సందర్భంగా రాక్వెల్ ఇండస్ట్రీస్ లిమిటెడ్ డైరెక్టర్ ప్రతీక్ గుప్తా మాట్లాడుతూ, వ్యాక్సిన్‌ నిల్వ కోసం తయారు చేసిన ఈ ఫ్రీజర్ ను 'చిల్లర్‌మిల్' అని పిలుస్తామని, ఈ ఫ్రీజర్ హైబ్రిడ్ పునరుత్పాదక శక్తిపై నడుస్తున్న మొట్టమొదటిది అని చెప్పారు. ఇది సౌర శక్తిని ఇంధన వనరుగా తీసుకుని పనిచేస్తుందని అన్నారు. ఈ చిల్లర్‌మిల్ ఫ్రీజర్ కు ప్రపంచ ఆరోగ్య సంస్థ ఆమోదం తెలిపిందని పేర్కొన్నారు. కొన్ని టీకాలను 2 ° C నుండి 8 ° C మధ్య ఉష్ణోగ్రతల మధ్య.. మరికొన్నింటిని -20. C ఉష్ణోగ్రతల మధ్య ఉంచాలి. ఇప్పటి వరకూ డెయిరీ ఉత్పత్తులు, ఐస్ క్రీములు నిల్వ చేసుకునే ఫ్రిడ్జ్ లను మాత్రమే రాక్వెల్ సంస్థ ఉత్పత్తి చేసింది. అయితే ఇప్పుడు ఔషదాల విభాగం రంగంలో కూడా అడుగు పెట్టినట్లు రాక్వెల్ ఇండస్ట్రీస్ లిమిటెడ్ మేనేజింగ్ డైరెక్టర్ అశోక్ గుప్తా తెలిపారు.

ఫ్రీజర్‌లకు, చిల్లర్‌మిల్‌ మధ్య వ్యత్యాసం ఏంటంటే..

కాగా, ఫ్రీజర్‌లకు 'చిల్లర్‌మిల్' మధ్య ఉన్న ప్రధాన వ్యత్యాసం ఏమిటంటే, రెండోది హైబ్రిడ్ పునరుత్పాదక శక్తిపై నడుస్తుంది, అంటే ఇది గాలి మరియు సౌర శక్తి రెండింటిలోనూ నడుస్తుంది. దీని ఖరీదు రూ. 40,000 నుండి లక్ష రూపాయల వరకు ఉంటుంది అని అశోక్ గుప్తా వివరించారు.




Next Story
Share it