యూపీ సీఎం యోగికి ఐదేళ్ల చిన్నారి 'బుల్డోజర్' గిఫ్ట్ (video)

గోరఖ్‌నాథ్ ఆలయ సందర్శనలో ఉన్న ఉత్తరప్రదేశ్ ముఖ్యమంత్రి యోగి ఆదిత్యనాథ్‌కు ఒక ఐదేళ్ల చిన్నారి వినూత్నమైన కానుకను అందించింది. కాన్పూర్‌కు చెందిన యశస్విని అనే బాలిక తన కుటుంబ సభ్యులతో కలిసి సీఎంను కలిసి, ఒక బొమ్మ బుల్డోజర్‌ను ఆయనకు బహుకరించింది.

ఈ ఆసక్తికర సన్నివేశం సోషల్ మీడియాలో వైరల్‌గా మారింది. చిన్నారి ఇచ్చిన కానుకను ప్రేమతో స్వీకరించిన యోగి ఆదిత్యనాథ్, తిరిగి దానిని ఆ పాపకే అందిస్తూ.. బాగా చదువుకోవాలని, ఆ బొమ్మతో ఆడుకోవాలని దీవించారు. నేరస్తుల ఆస్తుల కూల్చివేతకు సంబంధించి యోగి పాలనలో బుల్డోజర్ ఒక శక్తివంతమైన చిహ్నంగా మారిన నేపథ్యంలో, ఈ చిన్నారి చర్య అందరి దృష్టిని ఆకర్షించింది.