బ్రహ్మశక్తి ఆస్పత్రిలో అగ్నిప్రమాదం.. రోగి మృతి
Fire breaks out at ICU ward of Delhi hospital Patient dead.దేశ రాజ‌ధాని ఢిల్లీలో భారీ అగ్నిప్రమాదం జ‌రిగింది. రోహిణి
By తోట వంశీ కుమార్‌Published on : 11 Jun 2022 11:52 AM IST
దేశ రాజ‌ధాని ఢిల్లీలో భారీ అగ్నిప్రమాదం జ‌రిగింది. రోహిణి ప్రాంతంలోని పూత్ ఖుర్ద్‌ లో ఉన్న బ్రహ్మశక్తి ఆస్పత్రిలో శ‌నివారం ఉద‌యం మంట‌లు చెల‌రేగాయి. అప్ర‌మ‌త్త‌మైన రోగులు, సిబ్బంది బయటకు ప‌రుగులు తీశారు. ఈ ఘ‌ట‌న‌లో ఆసుపత్రి ఇంటెన్సివ్ కేర్ యూనిట్ (ఐసీయూ) వార్డులోని ఓ రోగి మృతి చెందాడు. ప్ర‌మాదంపై స‌మాచారం అందుకున్న అగ్నిమాప‌క సిబ్బంది 9 ఫైరింజ‌న్ల‌తో అక్క‌డ‌కు చేరుకున్నారు. మంట‌ల‌ను అదుపులోకి తీసుకువ‌చ్చారు
వెంటిలేటర్‌పై ఉన్న ఒకరిని మినహాయించి భవనం లోపల ఉన్న రోగులను సురక్షితంగా బయటకు తీసుకువచ్చామని ఢిల్లీ ఫైర్ సర్వీస్ డైరెక్టర్ అతుల్ గార్గ్ తెలిపారు. ఈ ప్ర‌మాదంలో ఒక్క‌రు మాత్ర‌మే మ‌ర‌ణించిన‌ట్లు తెలిపారు. కాగా.. అగ్నిప్ర‌మాదానికి గ‌ల కార‌ణాలు తెలియాల్సి ఉంది.
Next Story
