ఒక్క ఓట‌మికే కుంగి పోతున్నావా..? దీపక్ 11 సార్లు విఫలమైనా వెన‌క్కి త‌గ్గ‌లేదు..!

మీరు గ‌ట్టిగా ఏదైనా కోరుకుంటే.. అది మీకు ద‌క్కేందుకు విశ్వం మొత్తం స‌హ‌క‌రిస్తుందని అంటారు. ఇండియన్ మిలిటరీ అకాడమీ పాసింగ్ ఔట్ పరేడ్‌లో అలాంటి సంఘటన ఒకటి కనిపించింది. దేశానికి సేవ చేయాలనే మక్కువ, సైన్యంలో చేరాలనే తపన రాణిఖేత్‌కు చెందిన దీపక్ సింగ్ బిష్త్‌ను 11 సార్లు విఫలమై 12వ సారి సైన్యంలో అధికారిని చేసింది. అయితే దాబా ఆపరేటర్ కొడుకు దీపక్‌కి ఈ ప్రయాణం అంత ఈజీగా సాగ‌లేఉ. అతని కృషి, బలమైనసంక‌ల్పం, కుటుంబ స‌భ్యుల మద్దతు కారణంగా ఇది సాధ్యమైంది.

దీపక్ సింగ్ బిష్త్ తండ్రి ఉత్త‌రాఖండ్ రాష్ట్రం బగ్వాలిపోఖర్ రాణిఖేత్ జిల్లా అల్మోరా గ్రామ నివాసి, ఢిల్లీలో ధాబా నడుపుతున్నారు. దీపక్ తన ఇంటికి సమీపంలో ఉన్న ప్రిన్స్ పబ్లిక్ స్కూల్ ఆఫ్ మహత్‌గావ్ నుండి తన ప్రాథమిక విద్యను అభ్యసించాడు. ఆ తరువాత అతను కూడా తన తల్లిదండ్రులతో కలిసి ఢిల్లీకి వెళ్లి సూరజ్మల్ విహార్‌లోని ప్రభుత్వ టాలెంట్ డెవలప్‌మెంట్ స్కూల్ నుండి ఇంటర్మీడియట్ పరీక్షలో ఉత్తీర్ణత సాధించాడు. ఆ సమయంలోనే ఎన్‌సిసి ఎంచుకున్నాడు.. శిక్షణ సమయంలో ఆర్మీ ఆఫీసర్ కావాలనే త‌ప‌న పెరిగింది.

దీపక్ తన 10 వ తరగతి పరీక్ష తర్వాత సైన్యంలో చేరేందుకై పరీక్షకు హాజరు కావడం ప్రారంభించాడు. 11వ సారి విజయం సాధించడంతో ఎయిర్‌ఫోర్స్‌లో చేరే అవకాశం వచ్చింది. కానీ అతను ఆర్మీపై మక్కువతో ఉన్నాడు. 12 వ సారి CDS పరీక్షలో ఉత్తీర్ణత సాధించి.. అతను ఆర్మీలో నియామకం పొందాడు.

శనివారం పీపింగ్ వేడుకలో తల్లి గీతాదేవి బిష్త్, తండ్రి రాజేంద్ర సింగ్ బిష్త్‌లు యూనిఫాంలో ఉన్న తమ కొడుకును చూసి ఆనందంతో నిండిపోయారు. ఇది కుటుంబ సభ్యులకు చాలా సంతోషకరమైన క్షణం. ఈ సమయంలో అతని ఇతర బంధువులు అక్కడికి చేరుకుని ఆనందంగా దీపక్‌ను ఒడిలోకి తీసుకున్నారు. ఆర్మీ ప్రిపరేషన్ సమయంలో దీపక్ ఆర్థికంగా వెనుకబడిన పిల్లలకు ట్యూషన్ కూడా చెప్పాడని తండ్రి చెప్పాడు. తండ్రి తన లెఫ్టినెంట్ కొడుకుని చూసి ఆనందంతో గెంతేశాడు. పీపీ వేడుకలో అభినందించేందుకు వచ్చిన బంధువులు దీప‌క్‌కు శుభాకాంక్షలు తెలిపి మరీ ఆశీర్వదించారు.

తరుణ్ మామ్‌గై, వాస్తవానికి చమోలి జిల్లా గైర్‌సైన్ తహసీల్‌లోని కోథా గ్రామానికి చెందినవాడు, మూడవ ప్రయత్నంలో టెక్నికల్ గ్రాడ్యుయేట్ కోర్సు (టిజిసి) పరీక్షలో ఉత్తీర్ణత సాధించి ఆర్మీ అధికారి అయ్యాడు.