దుబాయ్ లో పార్టీ చేసుకున్న దేవర డిస్ట్రిబ్యూటర్లు

దేవర సినిమా బ్లాక్ బస్టర్ విజయం సాధించడంతో దర్శకుడు కొరటాల శివకు భారీ ఉపశమనం దక్కింది. ఆచార్య ఫ్లాప్ నుండి బయటకు వచ్చాడు కొరటాల శివ. సినిమాకు వస్తున్న కలెక్షన్లు నిర్మాతల ముఖాల్లో చిరునవ్వును కలిగించాయి. దేవర మొత్తం తెలుగు రాష్ట్రాల హక్కులను నాగ వంశీ కొనుగోలు చేశాడు. ఏరియా వారీగా తన రెగ్యులర్ డిస్ట్రిబ్యూటర్లకు విక్రయించాడు. డిస్ట్రిబ్యూటర్లందరూ మంచి రాబడులతో బ్రేక్ ఈవెన్ సాధించారు. ఇటీవలి కాలంలో తెలుగు రాష్ట్రాల బయ్యర్లందరికీ మంచి వసూళ్లను సాధించిన ఏకైక పెద్ద చిత్రంగా దేవర నిలిచింది. ఈ విజయాన్ని పురస్కరించుకుని నాగ వంశీ దుబాయ్‌లో డిస్ట్రిబ్యూటర్లకు గ్రాండ్ పార్టీ ఇచ్చాడు.

దసరా సెలవుల్లో దేవర సినిమాకు కలెక్షన్స్ భారీగా వచ్చాయి. 4వ వారంలో కూడా కలెక్షన్ల వర్షం కురుస్తోంది. ఇంకా పెద్ద సినిమాలు రిలీజ్ లేకపోవడంతో ఇంకో రెండు వారాలు దేవర మంచి కలెక్షన్స్ రాబట్టే అవకాశం ఉంది. ఈ వారాంతంలో కూడా చెప్పుకోదగిన సినిమా రిలీజ్ లు లేకపోవడంతో దేవర మంచి కలెక్షన్స్ ను సొంతం చేసుకుంటుందని భావిస్తున్నారు. కొరటాల శివ సినిమా తెలుగు రాష్ట్రాల్లో దాదాపు 140 కోట్ల షేర్ వసూలు చేసింది. ఈ సినిమా మరిన్ని కలెక్షన్స్ రాబట్టడం పక్కా అని అంటున్నారు.