'ఇంకెప్పుడూ భారత్‌కు రాను'.. ఢిల్లీ మెట్రోలో అవమానకర ఘటన..!

దేశ రాజధాని ఢిల్లీలో మరోసారి అవమానకర ఘటన వెలుగు చూసింది. స్నేహితురాలి వివాహానికి హాజరయ్యేందుకు వచ్చిన ఓ అమెరికన్ మ‌హిళ‌పై 14 ఏళ్ల యువకుడు లైంగిక వేధింపులకు పాల్పడ్డాడు. రద్దీగా ఉండే ఢిల్లీ మెట్రోలో ఈ ఘటన చోటుచేసుకుంది. తన భారతీయ స్నేహితురాలిని కలవడానికి వచ్చిన ఈ అమెరికన్ యువతిపై లైంగిక వేధింపుల ఘటన కలకలం రేపింది. ఈ సంఘటనలో అత్యంత ఆశ్చర్యకరమైన విషయం ఏమిటంటే.. ఈ యువకుడిని అతని సోదరి, తల్లి సమర్థించారు.

USAలోని న్యూజెర్సీలోని స్వాన్సన్ ఇన్స్టిట్యూట్ ఆఫ్ టెక్నాలజీలో భారతీయ సంతతికి చెందిన ప్రొఫెసర్ గౌరవ్ సబ్నిస్ మాట్లాడుతూ.. నా పూర్వ విద్యార్థి ఒకరు ఆమె భారతదేశ పర్యటన గురించి చెప్పినప్పుడు.. నేను ఆమెకు కొన్ని చిట్కాలు ఇచ్చాను. ఏదో అవాంఛనీయమైన భయంతో అత‌డు.. తన విద్యార్ధిని లైంగిక వేధింపుల గురించి, ముఖ్యంగా ఢిల్లీలో జాగ్రత్త వహించాలని కోరాడు. అక్కడ నువ్వొక్క‌రివే శ్వేత జాతీయురాలివి.. ఈజీగా టార్గెట్ కాగలవు అన్నాడు. తన విద్యార్థిని గురించి ప్రొఫెసర్ ఆందోళన నిజమని తేలింది.

8 రోజుల భారత పర్యటన నుండి తిరిగి వచ్చిన తర్వాత తన విద్యార్థి తనకు జరిగిన ఈ సంఘటనను ప్రస్తావించింద‌ని ప్రొఫెసర్ సబ్నిస్ సోషల్ మీడియా ప్లాట్‌ఫారమ్ X లో తెలిపారు. ఆ మహిళ మాట్లాడుతూ.. 'భారతదేశంలోని నా సహోద్యోగులు చాలా మంచివారు. నేను భారతదేశంలో 8 సరదా, మరపురాని రోజులు గడిపాను, కానీ దురదృష్టకరమైన అసహ్యకరమైన సంఘటన జరిగింది. ఇది నా మానసిక స్థితిని చాలా పాడుచేసింది, నేను కొన్ని రోజులు విచారంగా, మౌనంగా ఉన్నాను. నేను ఢిల్లీలో దిగిన వెంటనే సెల్ఫీలు అడుగుతూ అపరిచితులు నన్ను సంప్రదించారు, అయితే మీరు చెప్పిన నిబంధనల ప్రకారం పురుషులందరికీ నో చెప్పాను. కానీ స్త్రీలు, పిల్లలకు అడ్డు చెప్ప‌లేదు. ఈ సమయంలో నేను చాలా బాగున్నాను.

ఢిల్లీ మెట్రో స్టేషన్‌లో 14-15 ఏళ్ల యువకుడు నా భారత ప‌ర్య‌ట‌న అనుభవాన్ని చెడగొట్టాడని అమెరికన్ అమ్మాయి చెప్పింది. తన తల్లి, సోదరితో కలిసి మెట్రోలో ఉన్న బాలుడు సెల్ఫీ అడిగాడు. నేను ఓకే అన్నాను. వెంటనే నా భుజం మీద చెయ్యి వేసాడు. ఇది నాకు కాస్త వింతగా అనిపించినా సరే అనుకున్నాను, వాడు యుక్తవయస్కుడు. కానీ నేరుగా నా స్తనాలను గట్టిగా పట్టుకుని అసభ్యకర పనులు చేశాడు. ఆశ్చర్యకరమైన విషయం ఏమిటంటే.. ఈ అసహ్యకరమైన చర్య తర్వాత ఆ యువకుడు హాస్యం చేసినట్లుగా నవ్వడం ప్రారంభించాడు. నేను కోపంతో విరుచుకుపడ్డాను, అతని కాలర్ పట్టుకుని దూరంగా నెట్టాను. అతడు పడిపోయాడు. అతడి తల్లి నాపై కోపంగా ఉంది. శ్వేతజాతీయురాలిని ఇంత దగ్గరగా చూడలేదని.. తన కొడుకును సమర్థించుకుంది. ఇదేం పెంపకం? అని అమెరికన్ మహిళ ప్రశ్నను లేవనెత్తింది.

తాను ఇండియాను ప్రేమిస్తున్నానని, అయితే మళ్లీ భారత్‌కు వచ్చే ఆలోచన కూడా చేయనని ఆ యువతి చెప్పింది. భారతదేశాన్ని పక్కన పెట్టండి.. ఆమె దక్షిణాసియాకు కూడా వెళ్లదు అని సబ్నిస్ ఆ మహిళను ఉటంకించారు.