రెండో అంతస్తు నుంచి ఏసీ మీద పడి.. యువకుడు మృతి, మరొకరి పరిస్థతి విషమం

ఢిల్లీలోని కరోల్ బాగ్ ప్రాంతంలోని భవనం రెండో అంతస్తు నుంచి ఎయిర్ కండీషనర్ నేరుగా తలపై పడడంతో 18 ఏళ్ల యువకుడు మృతి చెందినట్లు అధికారులు ఆదివారం తెలిపారు. ఆగస్ట్ 17 శనివారం సాయంత్రం 7 గంటల సమయంలో జితేష్ చద్దా అనే యువకుడు ఒక ఆగి ఉన్న స్కూటర్‌పై కూర్చుని తన స్నేహితుడితో మాట్లాడుతున్నప్పుడు ఈ సంఘటన జరిగింది. ఎయిర్ కండీషనర్ యొక్క ఔట్ డోర్ యూనిట్ పైనుండి పడింది. దీంతో అబ్బాయిలిద్దరికి తీవ్ర గాయాలయ్యాయి. అతని పక్కనే నిల్చున్న ప్రన్షు అనే బాధితుడి స్నేహితుడు కూడా ఎయిర్ కండీషనర్ తగిలి నేలపై పడిపోయాడు. భవనం ప్రవేశ ద్వారం దగ్గర ఇద్దరు అబ్బాయిలు ఒకరితో ఒకరు మాట్లాడుకుంటున్న దృశ్యాలు సీసీటీవీలో రికార్డయ్యాయి.

ఒక అబ్బాయి నిశ్చలంగా ఉన్న స్కూటర్‌పై కూర్చోగా, మరొకడు అతని పక్కన నిలబడి కబుర్లు చెబుతున్నాడు. వారు మాట్లాడుతుండగా, భవనం యొక్క రెండవ అంతస్తు నుండి ఎయిర్ కండీషనర్ యూనిట్ అకస్మాత్తుగా పడిపోయింది. స్కూటర్‌పై ఉన్న బాలుడి తలపై నేరుగా ఏసీ అవుట్‌ డోర్‌ పడింది. దీని ప్రభావం తీవ్రంగా ఉండడంతో ఇద్దరు అబ్బాయిలు వెంటనే కుప్పకూలిపోయారు. ఇద్దరు అబ్బాయిలను సమీపంలోని ఆసుపత్రికి తరలించారు, అక్కడ వైద్యులు 18 ఏళ్ల యువకుడు మరణించినట్లు ప్రకటించారు. 17 సంవత్సరాల వయస్సు గల అతని స్నేహితుడు చికిత్స పొందుతున్నాడు. అతని పరిస్థితి విషమంగా ఉందని అధికారులు తెలిపారు. డిబిజి రోడ్‌లోని స్థానిక పోలీస్ స్టేషన్ కేసు నమోదు చేసి, ఎసి క్రాష్‌కు గల కారణాలను పరిశీలించడానికి ఫోరెన్సిక్ బృందాన్ని సంఘటనా స్థలంలో మోహరించారు. ఈ విషయంపై తదుపరి విచారణ కొనసాగుతోంది.