సంక్షోభం వేళ ముఖ్యమంత్రికి కోవిడ్ పాజిటివ్

మహారాష్ట్ర రాజకీయ సంక్షోభంపై శివసేనకు చెందిన సంజయ్ రౌత్ మరాఠీలో ఒక ట్వీట్‌ చేశారు. కొనసాగుతున్న రాజకీయ సంక్షోభం కారణంగా మహారాష్ట్ర శాసనసభను రద్దు చేసే అవకాశం ఉన్నట్లు తెలుస్తోంది. శివసేన కష్టాలకు తోడు, మహారాష్ట్ర ముఖ్యమంత్రి ఉద్ధవ్ ఠాక్రే కోవిడ్-19కి పాజిటివ్ గా తేలింది. గౌహతిలో 40 మంది తిరుగుబాటు ఎమ్మెల్యేలు క్యాంప్ చేయడంతో ఆయన ప్రభుత్వం కూలిపోయే ముప్పును ఎదుర్కొంటోంది.

మహారాష్ట్రలోని ఇతర తిరుగుబాటు ఎమ్మెల్యేలతో పాటు అస్సాంలోని గౌహతిలో దిగిన కొద్దిసేపటికే, శివసేన మంత్రి ఏక్‌నాథ్ షిండే విలేకరులతో మాట్లాడుతూ, తనతో పాటు 40 మంది ఎమ్మెల్యేలు ఉన్నారని, వారు బాలాసాహెబ్ థాకరే హిందుత్వను ముందుకు తీసుకువెళతారని అన్నారు. , శివసేన తన 12 మంది ఎమ్మెల్యేలను లోయర్ పరేల్‌లోని సెయింట్ రెజిస్ హోటల్‌కు తరలించింది.

మహారాష్ట్రలోని మహా వికాస్ అఘాడి (MVA) ప్రభుత్వంలో రాజకీయ సంక్షోభం ముదురుతున్న నేపథ్యంలో, ముఖ్యమంత్రి ఉద్ధవ్ థాకరే బుధవారం మధ్యాహ్నం 1 గంటలకు మంత్రివర్గ సమావేశాన్ని పిలిచారు. అంతకుముందు మంగళవారం సాయంత్రం, సిఎం వ్యక్తిగత సహాయకుడు మిలింద్ నర్వేకర్, ఎమ్మెల్సీ రవీంద్ర ఫటక్ సూరత్‌లోని లే మెరిడియన్ హోటల్‌లో ఏకనాథ్ షిండేతో సమావేశమై ఆయనను శాంతింపజేసి, తిరిగి వచ్చేలా ఒప్పించే ప్రయత్నం చేశారు. చర్చల ఫలితాలను సీఎం ఉద్ధవ్‌కు తెలియజేస్తామని శివసేన నేత సంజయ్ రౌత్ తెలిపారు. బీజేపీ ఎమ్మెల్యే సంజయ్ కుటే కూడా షిండే బస చేసిన సూరత్ హోటల్‌లో షిండేతో సమావేశమయ్యారని సంబంధిత వర్గాలు తెలిపాయి. పార్టీ గ్రూప్ లీడర్ పదవి నుంచి షిండేను తొలగించిన శివసేన పార్టీ, ఆయన స్థానంలో ఎమ్మెల్యే అజయ్ చౌదరిని నియమించింది.