పాక్ చొరబాటుదారుడిని హతమార్చిన బీఎస్ఎఫ్
BSF kills Pakistani intruder in Ferozepur sector. భారత సరిహద్దు భద్రతా దళం (బీఎస్ఎఫ్) పంజాబ్‌లోని ఫిరోజ్పూర్ సెక్టార్‌లో పాకిస్తాన్ చొరబాటుదారుడిని హతమార్చింది.
By అంజి Published on 3 Feb 2022 8:05 AM GMT
భారత సరిహద్దు భద్రతా దళం (బీఎస్ఎఫ్) పంజాబ్‌లోని ఫిరోజ్పూర్ సెక్టార్‌లో పాకిస్తాన్ చొరబాటుదారుడిని హతమార్చింది. అతను ఆగకుండా అంతర్జాతీయ సరిహద్దును దాటి దూకుడుగా ముందుకు సాగడం కొనసాగించాడని ఫోర్స్ గురువారం తెలిపింది. బుధవారం సాయంత్రం ఫిరోజ్పూర్ సెక్టార్‌లోని బోర్డర్ ఔట్‌పోస్ట్ కేఎస్ వాలా వద్ద బీఎస్ఎఫ్ బాధ్యతాయుతమైన ప్రాంతంలో పాకిస్తాన్ వైపు నుండి చొరబాటుదారుడు అంతర్జాతీయ సరిహద్దు ఫెన్సింగ్‌కు ముందు కదులుతుండడం గమనించింది. ఆ తర్వాత అంతర్జాతీయ సరిహద్దు దాటి భారత భూభాగంలోకి ప్రవేశించిన చొరబాటుదారుడిపై బీఎస్ఎఫ్ సిబ్బంది కాల్పులు జరిపారు.
''ఫిబ్రవరి 2, 2022న, సాయంత్రం వేళల్లో.. ఫిరోజ్పూర్ సెక్టార్ ప్రాంతంలోని బీఓపీ కేఎస్ వాలా దగ్గర పాకిస్థాన్ వైపు నుంచి బోర్డర్ ఫెన్సింగ్‌కు ఎదురుగా ఒక చొరబాటుదారుడి అనుమానాస్పద కదలికను అప్రమత్తమైన బోర్డర్ సెక్యూరిటీ ఫోర్స్ దళాలు గమనించాయి. చొరబాటుదారుడు అంతర్జాతీయ సరిహద్దును దాటి భారత భూభాగంలోకి ప్రవేశించాడు" అని బీఎస్ఎఫ్ ఒక ప్రకటనలో తెలిపింది. "బీఎస్ఎఫ్ దళాలు చొరబాటుదారుని సవాలు చేశాయి. కానీ అతను ఆగలేదు. దూకుడుగా ముందుకు సాగాడు. ముప్పును పసిగట్టిన బీఎస్ఎఫ్ దళాలు ఆత్మరక్షణ కోసం చొరబాటుదారుడిపై కాల్పులు జరిపాయి. పాక్ చొరబాటుదారుని అక్కడికక్కడే చంపారు. "అని వారు తెలిపారు.
ఫిరోజ్పూర్ సెక్టార్ ప్రాంతంలో గాలింపు కొనసాగుతోంది. "జాగ్రత్తగా ఉన్న బీఎస్ఎఫ్ దళాలు భారత భూభాగంలోకి దేశ వ్యతిరేక శక్తుల యొక్క దుర్మార్గపు ప్రయత్నాలను విఫలం చేశాయి" అని బీఎస్ఎఫ్ తెలిపింది.
