ఎలక్ట్రిక్‌ వాహనాల ప్రమాదాలపై డీఆర్‌డీవో నివేదికలో షాకింగ్‌ విషయాలు వెలుగులోకి..

ఇటీవలి కాలంలో ఎక్కడ పడితే అక్కడ బ్లాస్ట్ అవుతూ.. వార్తల్లో నిలిచిన ఎలక్ట్రిక్ స్కూటర్లకు సంబంధించి ఒక్కొక్కరు ఒక్కో థియరీ చెబుతూ ఉన్నారు. ముఖ్యంగా బ్యాటరీ ప్యాక్‌లు, మాడ్యూల్స్ డిజైన్‌లతో సహా వాటి బ్యాటరీలలోని లోపాల వల్ల ఈ ప్రమాదాలు సంభవించాయని డిఫెన్స్ రీసెర్చ్ & డెవలప్‌మెంట్ ఆర్గనైజేషన్(డీఆర్డీఓ) నివేదిక పేర్కొంది. ఎలక్ట్రిక్ ద్విచక్ర వాహనాల కంపెనీలు ఉద్దేశపూర్వకంగా ఖర్చులను తగ్గించుకోవడానికి తక్కువ-గ్రేడ్ మెటీరియల్‌లను ఉపయోగించినందున ఈ ప్రమాదాలు చోటు చేసుకున్నాయి. ఎలక్ట్రిక్‌ వాహనాల ప్రమాదాలపై కేంద్రం సైతం విషయాన్ని సీరియస్‌గా పరిగణించి దర్యాప్తున కు ఆదేశించింది.

ఎలక్ట్రిక్‌ వాహనాల ప్రమాదాలపై డీఆర్‌డీవో నివేదికలో షాకింగ్‌ విషయాలు వెలుగు చూశాయి. బ్యాటరీ లోపాలు కారణంగానే వరుస ప్రమాదాలు జరుగుతున్నాయంటూ ఓ నివేదిక రూపొందించింది. బ్యాటరీ ప్యాక్స్‌ డిజైన్లు, సరైన నిర్ధారణ పరీక్షలు నిర్వహించకుండానే బ్యాటరీ బండ్లను మార్కెట్‌లోకి రిలీజ్‌ చేయడం వల్లే ప్రమాదాలు జరుగుతున్నాయని డీఆర్‌డీవో స్పష్టం చేసింది. ఖర్చు తగ్గించుకునేందుకు లో-గ్రేడ్‌ మెటీరియల్‌ను ఉద్దేశపూర్వకంగానే ఉపయోగించినట్లు తెలుస్తోందని డీఆర్‌డీవో స్పష్టం చేసింది. దేశంలో ఎలక్ట్రిక్‌ స్కూటర్లు, ఈ-మోటర్‌సైకిల్‌ల వినియోగాన్ని భారీగా పెంచాలని కేంద్రం లక్ష్యంగా పెట్టుకోగా.. వరుస ప్రమాదాల కారణంగా కొత్తగా ఎలెక్ట్రిక్ బైక్స్ కొనాలంటేనే భయపడుతూ ఉన్నారు.