'ఐ లవ్‌ మహ్మద్‌' అని చెప్పలేదని విద్యార్థిపై దాడి

ఉత్త‌ర‌ప్ర‌దేశ్‌లోని బరాగావ్‌లోని పాఠ‌శాల నుంచి తిరిగి వస్తున్న ఖాస్పూర్‌కు చెందిన 9వ తరగతి విద్యార్థిని 'ఐ లవ్‌ మహ్మద్‌' అని చెప్పలేదన్న కారణంతో ఓ ముస్లిం విద్యార్థి అతని స్నేహితులతో కలిసి దాడి చేసి గాయపరిచాడు. దీనిపై చర్యలు తీసుకోవాలని బాధితురాలు ఫిర్యాదు చేసింది. చాందినగర్ పోలీస్ స్టేషన్ పరిధిలోని ఖాస్పూర్ గ్రామానికి చెందిన రాజ్‌కుమార్ గిరి కుమారుడు బరాగావ్‌లోని ఆదర్శ పాఠ‌శాలలో తొమ్మిదో తరగతి చదువుతున్నాడు. పరీక్షలు ముగించుకుని మధ్యాహ్నం పాఠ‌శాల నుంచి ఇంటికి వస్తున్నట్లు విద్యార్థి తన ఫిర్యాదులో తెలిపాడు. అప్పుడు 11వ తరగతి చదువుతున్న ఓ ముస్లిం విద్యార్థి నలుగురైదుగురు గుర్తు తెలియని వ్యక్తులు కలిసి అతడిని ఆపి ఐ లవ్ మహ్మద్ చెప్పమని ఒత్తిడి చేశాడు. అందుకు అత‌డు నిరాకరించడంతో నిందితుడు కత్తితో బెదిరించి.. ‘ఐ లవ్‌ మహ్మద్‌’ అని చెప్పకుంటే చంపేస్తానని బెదిరించాడు. నిందితులలో ఒక‌రు అతని ముఖంపై కొట్టి రక్తస్రావం అయ్యేలా చేశాడు.

ఆ తర్వాత నిందితులు విశాల్‌ను చాలాసేపు కొట్టారు. చుట్టుపక్కల వ్యక్తులు వస్తున్నారని గమనించిన నిందితులు ఎవరికైనా ఫిర్యాదు చేస్తే చంపేస్తామని బెదిరించి పారిపోయారు. ఎవరో 112కి ఫోన్ చేసి పోలీసులకు సమాచారం అందించారు. తమను దుర్భాషలాడి చంపేస్తామని బెదిరిస్తున్నారని నిందితులపై బాధితుడు ఫిర్యాదు చేశాడు. గతంలో కూడా ఈ విద్యార్థుల మధ్య గొడవలు ఉండేవని, ఈరోజు కూడా అదే జరిగిందని ఇన్‌చార్జి కొత్వాలి ప్రభాకర్ కైంటూర చెబుతున్నారు. వచ్చిన ఆరోపణలపై విచారణ జరిపి చర్యలు తీసుకుంటామన్నారు.