Delhi : పోలింగ్‌కు ఒక రోజు ముందు సీఎం అతిషికి షాకిచ్చిన కోర్టు

పరువు నష్టం కేసును కొట్టివేస్తూ ట్రయల్ కోర్టు తీసుకున్న నిర్ణయానికి వ్యతిరేకంగా బీజేపీ నేత ప్రవీణ్ శంకర్ కపూర్ వేసిన పిటిషన్‌పై ఢిల్లీ హైకోర్టు ముఖ్యమంత్రి అతిషిని సమాధానం కోరింది. ఆప్ ఎమ్మెల్యేలకు లంచం ఇవ్వడానికి బీజేపీ ప్రయత్నిస్తోందని అతిషి మీడియా సమావేశం ద్వారా ప్రకటన ఇచ్చారని ప్రవీణ్ శంకర్ ఆరోపించారు. ఈ పిటిషన్‌పై జస్టిస్ వికాస్ మహాజన్‌తో కూడిన ధర్మాసనం నోటీసులు జారీ చేసి విచారణను వాయిదా వేసింది. పరువునష్టం ఫిర్యాదును కొట్టివేయడంతోపాటు మేజిస్ట్రేట్ కోర్టు జారీ చేసిన సమన్లను రద్దు చేయడం ద్వారా ప్రత్యేక న్యాయమూర్తి చట్టంలో తన అధికార పరిధికి మించి ప్రవర్తించారని పిటీష‌న్‌లో పేర్కొన్నారు.

ప్రత్యేక న్యాయమూర్తి పిటీష‌న్‌ను కూడా అనుమతించలేదని, తన ఆరోపణలు నిజమని నిరూపించడానికి ఫిర్యాదుదారుని ప్రాసిక్యూట్ చేయాల్సి ఉంటుందని ఢిల్లీ బీజేపీ మాజీ మీడియా ఇన్‌ఛార్జ్ ప్రవీణ్ శంకర్ అన్నారు. ట్రయల్ కోర్టు నిర్ణయాన్ని రద్దు చేయాలని డిమాండ్ చేస్తూ.. ఆ నిర్ణయంలో చాలా చట్టపరమైన లోపాలున్నాయని పిటిషన్‌లో పేర్కొన్నారు. 2024 జనవరి 27న, ఆ తర్వాత ఏప్రిల్ 2, 2024న ఏర్పాటు చేసిన విలేకరుల సమావేశంలో అతిషీ.. బీజేపీ ఆప్ ఎమ్మెల్యేలను సంప్రదించి పార్టీ మారేందుకు 20 నుంచి 25 కోట్ల రూపాయలు ఆఫర్ చేసిందని ఆరోపించార‌ని ఆయన అన్నారు. జనవరి 28న ప్రవీణ్ శంకర్ పరువునష్టం కేసును రూస్ అవెన్యూ ప్రత్యేక న్యాయమూర్తి కొట్టివేశారు.